Super Junior始源今日袭港 冯盈盈无缘见面：可唔可以影张相畀我
TVB处境剧《爱．回家之开心速递》几乎是“电视汁捞饭”之选，大小姐、送水辉、熊若水、博士、根叔等人的名字都深入民心！前日（12日）播出的“黄牛之乱”一集中，竟然跟K-pop拉上关系，威龙百货竟然请来韩国人气组合“Super Senior”开演唱会，虽然内部员工都可以参加，但就要在收工后通宵排队买飞，相信ELF（Super Junior粉丝）睇到这一集一定好感动、好开心都好有同感，就如吕慧仪当中所说：“Come on！我哋只要可以见到oppa，通宵排队，瞓下街小小牺牲算得系啲咩？”
《爱．回家之开心速递》入面有关演唱会的对白，对于有通宵排队买门票的粉丝们都一定相当熟悉，例如接力排队交更、计算排队位置是否能买到飞、不可帮人排队和用物品霸占位置等等，剧中有规定离队五分钟位置都会作废，所以吕慧仪就提议漫漫长夜不如看oppa的MV过日晨。今集《爱．回家之开心速递》吸引不少ELF留意，就连香港小姐冯盈盈都在个人Instagram Story上表示“ELF表示今集睇得好开心”，又加上“Thankyou”、“开心速递”、“Super Junior”和Super Junior官方应援颜色“Sapphir Blue”（宝石蓝）等Hashtag，大赞好有共鸣！
《爱．回家之开心速递》中，从“Super Senior”和吕慧仪等人，身穿的宝石蓝会员外套就会知道，“Super Senior”影射的正正是韩国人气组合Super Junior，而且Super Junior的名字或是代名都不是第一次“出现”在TVB的剧集中，今年年头播出的《马家过圣诞》更请来Super Juniorn小分队D&E的银赫和东海出演，令一众ELF都乖乖坐在电视机前“死守直播”！
看过《爱．回家之开心速递》的“黄牛之乱”后，冯盈盈接受《香港01》访问时指：“其实我本身系Super Junior Fans ELF嘅其中一员，所以前日见到爱回家讲有关Super Junior都好激动，我由2012年考完DSE开始钟意佢哋，因为考完DSE之后好得闲又未入大学，经好朋友介绍下认识，开始听歌、睇戏、MV之后就爱上咗Super Junior。我最钟意圭贤，为咗佢仲做过好多好疯狂嘅事，例如因为太想睇同Super Junior有关嘅影片，我特登买咗条cable线可以将Iphone同Ipad驳落电视到，逼全家日日夜夜陪我睇；喺Daddy架车到就唔播Daddy嘅CD，净系播Super Junior嘅歌，逼屋企人跟我一齐听；又会同朋友一齐去Super Junior嘅活动，买CD。不过要数最疯狂应该系考完DSE后，带住妈咪同细佬去日本旅行，但其实成个旅行系为咗睇Super Junior，当时仲系喺东京小巨蛋举办嘅演唱会，为咗可以买到飞，特登早两个月托人揾日本朋友用日本地址加入Super Junior日本Fans Club，先可以用日本Fans Club成员资格抽演唱会飞咋！仲要抽中之后我𠮶Friend竟然甩底唔去，搞到我凸咗张飞，为咗唔好嘥咗张飞，同埋演唱会上面吉咗个位，我又喺Twitter上揾咗好耐终于揾到个沙地阿拉伯女仔买咗张飞，最终我哋两个就一齐睇足全场，仲非常high添！”
另外不少ELF都知道Super Junior成员都有开设个人Coffee shop，成员们的家人都会不时出现，ELF只是见到Super Junior都会非常高奋，冯盈盈表示自己在日本等巴士去机场回港时，竟然幸运地碰到艺声的妈妈，冯盈盈当时都有上前打招呼兼问合照，可惜当时艺声的妈妈因为未有化妆而被婉拒，不过冯盈盈仍大赞艺声妈妈好Nice，感谢她特意飞来日本看演唱会，又在上车前畀心心她，令她直到现在仍记在心内！
另一边箱，Super Junior成员始源今晚袭港出席品牌活动，但冯盈盈表示自己今天因为要工作而没有机会见始源一面，感到十分可惜，最后更提及她最喜欢的圭贤仍在服兵役当中，但一定会等到他完成兵役回归为止，又呼吁大家都要继续支持Super Junior！实在是一位十分称职的ELF！
更多图片
Super Junior东海银赫现身《马家过圣诞》 黎诺懿:我姪女喊出嚟!
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/