《与神同行》片尾彩蛋马东锡　续集拍好戏名都有埋？

近排最hit的韩国电影《与神同行》，由河正宇、车太铉、朱智勋、金香起、李政宰、EXO成员D.O（都敬秀）主演，《与神同行》改编自韩国漫画家周浩旻所绘的同名漫画，讲述身为“贵人”嘅车太铉死后由阴间使者河正宇、车太铉同金香起送去接受7个地狱审判嘅故事。

《与神同行》打住超越《尸杀列车》同《军舰岛》嘅制作费旗号，堪称韩国史上NO.1天价神幻巨片，观众睇过电影之后，不得不赞赏韩国CG技术已日渐成熟，运用更非常到位！就连《狂兽》导演李子俊都话自己喺拍摄《狂兽》期间都有用到韩国拍摄技术，更指好多技术上嘅特效都需要借用到韩国人。而《与神同行》成套电影最令人期待嘅一定唔少得7个地狱，当中包括“暴力”、“谋杀”、“说谎”、“怠惰”、“不义”、“背叛”、“天伦”（不孝），虽然片长有限，唔能够详尽细说每一个地狱审判。不过记者对于“楚江河”地狱（审判“怠惰”）以及“天地镜”地狱（审判“背叛”）就有极深的印象。

在《与神同行》最能令人反省自己一生嘅地狱，相信会系“楚江河”地狱，因为入面有楚江大王（金海淑饰）审判车太铉一生系咪过得充实、有无虚耗光阴等？看《与神同行》时，观众可能都会反省一下自己，而记者就不禁谂到自己读书时，暑假每天都挂住去玩，次次都系到假期完结前先做功课，真系要几HEA有几HEA！再看看《与神同行》中，车太铉不但尽力帮人，更为咗家人而努力揾钱，不期然再令人反省自己真系好似懒虫一样，如果死后真系要受审判的话，记者一定过唔到呢关！

《与神同行》另外最打动人心嘅一幕，当然系最后嘅“天伦”（不孝）地狱，事关人人都有过青春期、反叛期，会觉得屋企人好烦、事事问、管住晒，但就冇谂过明其实是屋企人关心自己嘅表现。至于车太铉在《与神同行》中的成长过程冇反叛之余仲对屋企好好，成日揾钱返屋企，反而因为发生小事而离家出走，断送咗同屋企人相处嘅时光，谁不知其实自己妈妈一早已经原谅咗自己，只系未有机会好好表明心意。其实这种问题都发生喺好多呢类人身上，大家都只系欠缺一个开口时机。作为一家人有误会必定要尽早解开，以免浪费人生有限嘅光阴，珍惜关心你嘅人啊！

《与神同行》有喊位都有笑位，能言善变嘅河正宇、懵懵懂懂嘅车太铉、玩世不恭嘅朱智勋、年轻少艾嘅金香起为整套电影生色不少。《与神同行》系一套可以令你反省自己嘅电影，相比起《尸杀列车》更加表达出亲情之间嘅情感。传闻《与神同行》系一次过拍晒1、2部，河正宇、朱智勋、李政宰都会继续现身，就连《与神同行》片尾出现嘅马东锡、金钟民都好大机会出现喺《与神同行2》（《与神同行：最终审判》）。之不过，已经成功投胎嘅车太铉就冇份拍续集，唔知河正宇、朱智勋喺《与神同行2》要护送嘅“贵人”会唔会系车太铉在今集中嘅弟弟金东昱呢？

《尸杀列车》孔刘同郑有美结婚？　婚礼场地同宋仲基宋慧乔一样！

《与神同行》香港预告片

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/