【宋宋CP结婚】宋仲基宋慧乔婚礼盛况曝光　新人读誓词好感动

撰文： 沈洛嘉
出版：更新：
宋仲基宋慧乔已经行完礼喇！（网上图片）

宋仲基宋慧乔啱啱已经成为正式夫妇喇！宋宋今日于韩国时间下昼3点许现身，两人拖实手喺首尔新罗酒店迎宾馆门口一路步入婚礼现场，来宾都拍晒手又影底两人进场一刻。宋仲基除咗望实宋慧乔之外，仲有同来宾点头以表谢意，同时宋宋都一定接收到所有来宾以及粉丝们的祝福！

宋仲基宋慧乔步入婚礼现场笑得非常开心。（网上图片）
宋仲基不时对住宋慧乔甜笑。（网上图片）

接受完一众来宾的祝福后，仲基oppa同乔妹上台先后读出誓词。不过比起宋慧乔，宋仲基嘅心情就似乎较为激动，手持咪的宋仲基未读出誓词已经激动流泪，宋仲基用手背拭泪，再用纸巾擤鼻涕，还有坐在台下的宋仲基爸爸都有拎出手巾擦眼泪，就知道宋仲基终于成家立室同娶到宋慧乔有几咁开心同埋激动啦！随即就到宋慧乔对着宋仲基念出爱的誓词，宋仲基更情深眼定望着宋慧乔，不时又露出甜笑，幸福满溢。

【宋宋CP结婚】粉丝为一睹世纪婚礼　Book满新罗酒店观景房

宋仲基激动落泪。（网上图片）
终于见到宋仲基正面喇！（网上图片）

更多图片

+12

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

【宋宋CP结婚】粉丝为一睹世纪婚礼　Book满新罗酒店观景房【韩国直击．宋宋CP结婚】金钟国真系嚟咗　朴宝剑章子怡瞩目现身【宋宋CP结婚】宋仲基宋慧乔现真身　新娘子露膊拖尾婚纱高贵性感