【BTS防弹少年团】Halloween前闯丧尸乐园　Jimin狂叫J-Hope甩鞋

“世界弹”防弹少年团（BTS）每个星期都会有自己嘅团体综艺节目《Run BTS!2017》，今集就讲到防弹少年团去到韩国好出名嘅爱宝乐园夜会丧尸。之不过，原来BTS想去，实情系节目组“呃”佢哋话系去夜间动物园，《Run BTS!2017》节目组，真系每次都会带新鲜感同欢乐俾防弹少年团同A.R.M.Y（BTS粉丝）啊！

当BTS乘坐的观光巴士去到途中，眼利嘅Suga已经发现唔对路：“明明就系丧尸Run！我都话咗夜晚唔好出去㗎啦！”而大哥Jin就话：“我就知道系咁（无好嘢）！”车内嘅导游即率先带J-Hope落车体验一下同丧尸近距离接触，而细胆嘅J-Hope本来想捉住张凳死唔落车，不过《Run BTS!2017》制作组又点会俾佢得偿所愿，最后J-Hope都系被强行带落车。而当J-Hope落车无耐就已经被丧尸发现，吓到佢即刻跑返上车，跑𠮶时仲鞋都甩埋，光住脚咁跑，直到佢坐返低先发现，仲同Jin讲：“哥哥，我跌咗只鞋喺出面啊！”BTS其他成员就梗系拍晒手掌大笑，当时佢哋仲未知道自己都好快要落车！

【MAMA】BTS防弹少年团确定出席香港场　I.O.I再度重现Pick Me

防弹少年团落车同一众丧尸抟斗后，成功分好组去下一关嘅“丧尸密室逃脱”。BTS分成3组，A队：Rap Konster、V同柾国、B队：Jin同Suga，而C队就有Jimin同J-Hope。本来3队BTS都有各自唔同嘅路线，但就因为佢哋喺惊惶不安之下乱跑乱行乱叫，行错路线又拎错隔离队嘅提示，令节目组都忍唔住直接宣布3队BTS都任务失败！

【BTS台湾演唱会】防弹少年团Jin搞到粉丝有BB？　贪玩ARMY遭通缉

不过最好笑嘅都系Jin、Suga、J-Hope同Jimin嘅反应，事关Jin同Suga喺密室入面乱跑之后，被尾随嘅《Run BTS!2017》摄影师吓亲几次！到最后Jin仲推摄影师去前面开路话：“你唔系要喺前面影我哋㗎咩？”而Suga最后就好似放弃自己咁，用绷带包住自己𠮶头，伪装成丧尸，又学丧尸叫，仲喺地度爬，真系笑到窒息！今集《RUN，BTS》 A.R.M.Y真系好难抗拒！

更多BTS防弹少年团图片：

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/