《爱情的温度》年下直进男梁世宗超积极 务求攻陷徐玄振姐姐心
撰文： 沈洛嘉
出版：更新：
睇完寻晚第3集《爱情的温度》记者有感，又一条韩剧定律，就系前面太sweet嘅话，好快就会好hurt啊！相信韩剧《爱情的温度》第1，2集，年下直进男梁世宗，直接对徐玄振拖手、抄牌同索吻，剧情一啲都唔拖戏，仲以光速进行。虽然韩国真系会有好似梁世宗咁，喺街边见到唔错嘅对象会去抄牌，不过机率其实都唔系话好大，剧迷们都系将想象留返喺韩剧到，唔好ff太多喇！
讲返今集《爱情的温度》，徐玄振无做编剧助手之后，虽然有收到金材昱嘅提案，不过徐玄振同梁世宗一样好爽快咁拒绝咗，仲谂住自己交作品去参选，根据剧情发展就梗系去梁世宗屋企专心做嘢，梁世宗仲好乖仔好畀心机咁打动姐姐嘅胃！男士们真系要学下师，识煮嘢食嘅男人真系一流㗎！最印象深刻一定系第3集《爱情的温度》入面，梁世宗已经想将自己屋企个密码讲畀徐玄振知，仲特登买咗手提电话，为咗可以同徐玄振联络，究竟弟弟嘅进攻全盛时期可以去到几积极！
《爱情的温度》徐玄振梁世宗分手有剧透? 编剧：与原作小说不同
寻晚《爱情的温度》预告仲已经讲到5年后，徐玄振成功成为作家，而梁世宗亦都学成师回归韩国做主厨，返韩国除咗要开餐厅揾食之外，就梗系要继续攻陷姐姐嘅心啦！但到时34岁嘅徐玄振会拣年下直进男梁世宗定系高冷CEO金材昱呢？
更多《爱情的温度》的图片：
+14
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/