《医疗船》CNBLUE姜敏赫大胆借醉kiss河智苑　“心空”告白冧死人

韩剧《医疗船》今集讲到CNBLUE姜敏赫同河智苑（又译：河知云）一齐去探姜敏赫嘅爸爸，后来发觉原来咁啱撞正姜敏赫生日，河智苑梗系即刻同姜敏赫庆祝啦！同时更迎来两个人第一次小约会。不过姜敏赫一路为咗爸爸个病而烦恼，而佢爸爸更选择喺下次发病时，不用进行心肺复苏法，放弃抢救！好彩有河智苑喺姜敏赫旁边陪住佢倾诉，两人更饮齐红酒、香槟和啤酒，够晒relax！而喺酒精驱使下，更令姜敏赫一手托住河智苑条颈，然后深情锡锡：“多谢你，因为有你喺到，令到我得到好大嘅安慰。”《医疗船》观众睇到呢度系咪觉得好“心空”（韩文：심쿵心动）先？其实令人更心空的好戏在后头啊！

（观看更多）

姜敏赫同河智苑锡锡过后，当然少不了撞到会老尴嘅画面，不过单刀直入嘅“直进男”先系姜敏赫在《医疗船》入面嘅性格。因为河智苑对姜敏赫@CNBLUE避而不见，又采取强硬态度，扮晒咩事都冇发生过咁，因而令姜敏赫喺宿舍再次向河智苑进攻！姜敏赫：“呢到就系墙？因为有墙所以唔俾我过嚟，系咪？如果你想咁嘅话，你要记住有可能放喺你面前嘅唔系墙而系门，所以你随时打开门出嚟就好，我会喺门前等你。”哇！姜敏赫在《医疗船》呢段“心空”表白真系会令人好想一听再听！如果我是河智苑嘅话，真系会心都融埋，即刻揽住姜敏赫讲“我愿意”！

更多《医疗船》图片：

姜敏赫同河智苑喺《医疗船》锡锡片段：

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/