临时劫案｜王颂恩符家浚落力谢票 姜卓文被亲友追问冇与爸爸同框
撰文： 许育民
出版：更新：
贺岁电影《临时劫案》今日（17/2）进行谢票，导演麦启光，联同男主角林家栋、演员姜卓文、符家浚及王颂恩（Kathy仔）出席。三位新人接受传媒访问，其中姜卓文与Kathy仔更是第一参与电影拍摄，所以努力向亲戚朋友推介，手头上的换票证仲派到缺货，叫亲友自己买飞支持。
作为新人，三位都好紧张自己表现，都会问身边亲友观后感。Kathy仔︰“大部分朋友都话套戏节奏紧凑，冇一下松懈，好精彩。”符家浚在戏中负责搞笑，所以见到亲友第一句都会问︰“有冇笑？有笑我就达成目标。”符家浚更会晚晚上网看留言，看看观众如何评价自己的表现。
至于姜卓文，最多亲友关心系点解戏中冇得同爸爸姜大卫同场做对手戏，有冇觉得好可惜？姜卓文︰“我当然想同场，但两父子能够在同一部戏出现，已经是好神奇的事，我都好珍惜呢个演出机会。”而姜卓文都乐意去谢票做宣传，“有时在开场前，大家都会唔知我哋系边个，表现较平静。但映后谢票大家会热情好多，讲得出我哋嘅对白，又会问我同家栋哥合作紧唔紧张，听到佢哋咁留心睇套戏，我都好开心。”