张婉婷承认阿聆冇签第二份同意书：以为佢经过6、7个月心情已平复
名导张婉婷花了10年时间，为母校英华女学校拍摄的纪录片电影《给十九岁的我》上周四（2月2日）正式公映，当中记录6位女生从中一至19岁的成长故事。不过，电影其中两位女主角佘丽薇（阿佘）及王卓聆（阿聆）称曾反对电影上映，惟校方未有好好处理。阿聆更撰写万字文，强调由始至终都不同意电影以任何形式公开放映，她最终缺席所有宣传活动；阿佘则觉得反抗没有用，最终签署公映同意书，并配合出席宣传活动。
张婉婷今日首度回应事件，她指在包场和特别场观众反应都好正面，“冇人对女仔负面，全部都系赞美同可爱、勇敢，对学校都冇负面，所以我哋好放心，觉得系安全著陆。阿聆阿爸话阿聆已经平复，所以学校觉得可以考虑公开放映，我哋公开放映都有通知佢，叫埋佢同屋企人，嚟参加𠮶个在学校举行嘅感恩大会（誓师会？）系，感谢上帝有咁嘅恩典。阿聆阿爸、阿妈同细佬都有嚟，仲恭喜我哋，所以我哋觉得好开心，吖，觉得呢件事系完满结束。可能呢个又系一个理解嘅落差。”
阿聆在万字文中透露曾向校方反映不同意公映，张导直言感到惊讶：“都系几惊讶！所以我哋先喺篇万字文，了解到佢依家嘅谂法，先觉得佢仲系咁谂，大家要慢慢坐低，睇吓中间有乜嘢落差喺度。”
阿聆没有签公映同意书，为何没有签仍要公映？张导解释：“我哋有一个同意书，在未开拍摄前已经签，系保障各方，包括学校、摄影团队同学生，通常拍纪录片都系𠮶个时候签咗，通常都系包含晒所有喺戏院公映、各种唔同媒体嘅公映，好详细嘅，包埋香港海外，我哋赖以做六年或十年，畀佢哋知道我哋系可以点用个素材，呢个系我哋嘅根据嚟。”
十年前父母所签？近年再为六位女孩再签，阿聆是没有签？对于连串追问，张导有点口窒：“最新同意书，其实喺佢哋中五、中六时，我知道有戏院同发行商好有兴趣发行，一班女仔有讲，其中一个话戏院（上映）唔肯，就终止拍摄，但𠮶时阿聆仲喺度劝佢，话我哋签咗同意书，但个女仔走咗，因我哋唔免强人哋，但𠮶时我哋理解为阿聆同其他女仔都系属于呢个最后群组，以为佢系唔介意，佢系负责劝，佢系负责劝𠮶个。”
张婉婷被指情绪勒索：真系觉得冇
电影公司发行已变成商业用途，但万字文中阿聆指一直理解是校内放映及筹款，不希望透过商业机构公映，不想私生活被公开，其他同学都有表达过，更有同学喊足五年才可终止。阿佘亦形容张导是情绪勒索？张导苦笑：“我真系觉得冇啰。所有女仔话要走，随时都可以终止拍摄，我哋由初初五十几人到三十几人，后十几人，唔需要搞到女仔咁难憾，我哋真系冇。”
“其实第一个最原始同意书，系话系戏院放，可能真系中间理解有落差。终于啲钱都系畀学校筹款，所以冇违反初初协定。但点解要停低再倾？因为佢就咁写佢又咁理解，唔知系咪有啲唔同，所以要同佢哋倾。”
一开始不知道是公开放映
张导指一开始没料到是公开放映，由于花了十年时间拍摄，还要看最后故事是否吸引。而阿佘签指签第一份同意书，自己当年只有12岁，而她的父母从来没有看过这份同意书，张导反问“点解？”，她说：“阿佘在访问中都话我哋签咗，你问阿妈啦，佢做访问都咁讲。（沟通有疏忽？）当年系佢哋同学校签，解释方面、理解或静静鸡签，中间...我依家先知，但我访问佢时真系同阿爸讲话阿妈签。”
希望与阿聆见面沟通
张导指自己身为导演责无旁贷，会否亲自跟阿聆联络？张导说：“会嘅，唔系我亲自，或边个联络到佢大家倾，一定系会。其实我同另外五个女仔成日见面，一齐去谢票，都好熟，但聆就冇一齐去，但佢阿爸、阿妈同细佬同我都好friend，系冇问题。”
再三追问阿聆没有签第二份同意书
是否少了一份同意书，但仍继续公映？张导说：“佢答应咗可以做包场，同场电影节，所以我咪去电影节，去香港国际电影节，去年8月，之后做包场，我哋都系电影界中最长包场时间，半年包场。因包场反映好，对所有女仔都好正面、好鼓励佢哋，觉得佢哋好勇敢可爱，对学校都好正面，学校觉得冇问题啰应该....。”
学校觉得应该“做住先”
记者再三问阿聆是否没有签同意书，是否忽略她感受和意愿？她说：“但佢意愿系叫我哋做包场。”阿聆没有签第二份同意书，但却用第一份指有法律责任？她说：“发行商唔会同佢讲嘢.....，呢个唔好在法律观点去讲，学校唔会对学生咁讲，佢哋系会容忍，一啲都唔会话逼佢哋，所以口头同学校去做包场咪去做包场，畀社福、教育界、宗教界咁睇，真系做咗好耐，学校衡量觉得咪做住先，睇吓反应系点，但反映咁好，对啲女仔有正面影响唔会系负面嘅。”
没有同意书仍公映？张导再重复：“佢哋五、六年班有一日好高兴有发行商去戏院发行，当时阿聆有帮手劝另一个女仔，所以理解阿聆系唔介公开发行。”但没有签第二份仍公开发行？她说：“因隔咗好耐，又做好多包场，反映好，学校见保护女仔好好，佢爸话佢都平复咗好多啦，我哋誓师大会父母同弟都嚟咗，佢都唔出声，咁理解系ok。”所以要坐低大家解释清楚，原来大家理解系有差别。以为佢经过6、7个月个心已平复番。”