海关战线｜谢霆锋自嘲动作片“死剩种” 林嘉欣︰佢对我好仁慈
一套《海关战线》，不单令谢霆锋首度担任动作指导，更让与他可以跟林嘉欣，自2002年的《恋爱行星》后，相隔22年后再度合作。当日一对小情侣，今日在幕前，嘉欣成为高级Madam与霆锋是上司和下属关系，而在幕后，霆锋又晋身为动作指导，为对方设计合适的动作。22年来，两位又迎来怎样的转变。
鸣谢︰
发型：Kristy Cheng （林嘉欣）、Ricky Kwok（谢霆锋）
化妆︰Shuen Kong（林嘉欣）
造型︰Queenie Yu（谢霆锋）
服饰：Bottega Veneta（林嘉欣）、Valentino（谢霆锋）
要霆锋细心数数二人几多年前拍《恋爱行星》，他都吓一跳。“感觉都几黐线，咁样就20几年，不过好开心，见到大家坚持一样嘢咁耐，而家同下一代讲我哋在同一行做咗20多年，佢哋都已经好难理解。”
今次霆锋多了一个幕后身份，在嘉欣眼中，就是成熟不少。“佢真系为每一位演员度身订造动作，佢好明白动作嘅需求，又好明白演员在没太多机会接触动作下，自己便亲自示范一次，又或者详细拆解你知，我觉得佢好明白演员的心理状态。”
虽然嘉欣都获霆锋赠了几场动作戏，但坦言都自己都非常仁慈。“不过都撞瘀咗，我话入佢数。”霆锋︰“佢拍完两日先同我讲︰‘我撞瘀咗！’我反问当时𠮶take冇事㖞，佢答︰‘总之瘀咗。’”似搞气氛多过真投诉。
学友“震喉咙”以外的最大动作
至于张学友，平时最大的动作就是“震喉咙”，今次要下下大跳大跃，其中仲要跟霆锋手执双棍对打。“大家应该都冇见过学友手执兵器，系几有趣嘅设计。不过拍摄时都担心，因为棍打棍好易打亲手指，手指冇得练硬净啲，打到就真系会断。所以我设计短棍畀佢用，因为知佢有打开网球，理论上耍起短棍来会比较接近。而他亦非常灵敏，动作组话佢系‘印影机’，所有动作copy得好快。”
海关动作太夸？
霆锋做动作指导，对自己都冇特别锡身，好多动作都自己坚持做番。“的确系要说服导演，佢问一阵个炸弹喺身边爆，都坚持做番？我话系！因为我同做爆破组合作廿年，第二个演员佢都唔敢炸，呢个就系默契。”
听落凡事无惧，但其实霆锋每拍一个动作场面都会有怯的时候，但这正正是他追求的感觉。“惊！我从来都会惊，但如果演员唔惊，观众系唔会睇得紧张。其实呢部电影已经收歛好多，因为始终系讲海关，现在嘅动作场面已经夸咗少少，但电影就应该要夸少少，要咁写实就不如去拍纪录片，比起以前英雄式动作已经揿低好多。”
有呢份坚持，因为霆锋一直相信香港动作电影是一份精髓。“咁多年可以威到去国际，好多外国演员因为睇咗香港动作电影，影响到自己想拍一部属于自己国家嘅动作电影，例如Tony Jaa。我哋最出名嘅嘢都要放弃咩？我觉得好唔抵，如果我已经系最后个死剩种，连我都唔做嘅话，年轻一代就更加唔会做，好快就唔会知Hong Kong Action系咁威水。”
嘉欣跟学友苦恋第三次
林嘉欣今次与张学友，是继《男人四十》及《暗色天堂》后，第三度演情侣，而在这亦剧透少少，二人最后都系冇好结果，难怪嘉欣都叫苦︰“十几廿几三几都拍到对手戏，我都希望唔好再苦恋落去，我哋嘅爱情一直都冇结果，好惨。希望下一次可以有Happy Ending。”至于今次有几惨，就要大家入场睇过先知。
不过今次在学友以外，嘉欣又揾到一位新对手，而且仲觉得同佢几有火花，呢位就系吴镇宇。“我同佢场面唔多，但每场都要同佢斗，表现出自己好硬净，主导个场面。我私下系个唔喜欢同人争嘅人，但今次视为游戏，你要决心赢佢就好好玩。而且镇宇又唔会正常去做，衰衰格格咁搞到你团火就嚟。（点样衰格法呢？）佢本身嘅气场，同埋不耐烦嘅眼神，就令你好想斗赢佢。”