网民分享人生第一份工初体验 当外卖仔遇上一楼一：有两个门钟…
相信每个人的人生中有总有几个令你印象深刻的第一次，比如第一次返学、第一次拍拖、第一次返工咁。讲到第一次返工不少人社会经验未够，都会选择一些关于零售或饮食业的工作，偏偏这一小幅社会的版图，其残忍之处瞬间吓倒了各个涉世未深的学生哥。有网友更在讨论区上开po，分享自己想当年第一次踏足社会的辛酸经历，瞬间引来网民们的和应，全部都有血有泪。
网名“野原鸡之助”的网民近日以“入黎讲下你人生第一次返工当时既感受”为题，在LIHKG讨论区上发文，并大呻自己当年中五考完会考后的第一份part time job。他表示那时第一次返工做厨房，超不安超紧张，初来到步乜都唔识的自己好似只企鹅咁栋系到发呆。结果全日都忙到呕泡，返到屋企仲喊咗出嚟，完全是被现实的残忍毒打了一身。
👉🏻 👉🏻 👉🏻英国气温破40度移居港人叫救命 枕头放冰格降温 网民：慢慢挨啦
👇🏻👇🏻👇🏻点击图片放大看：更多网民想当年的打工初体验！👇🏻👇🏻👇🏻
【网民分享1】
中五考完会考揾咗份part time，返夜晚5至11点，日式餐厅做厨房。第一日返工前劲紧张，好大压力，返到去成只企鹅咁，完全唔知要做咩，但厨房系超多单，忙到PK。放工返到屋企喊咗出黎，完全唔想返第二日，无谂过返工系咁辛苦，但最后都坚持挨落去，日日都带住沉重嘅心情返工。
【网民分享2】
𠮶阵中五暑假，谂住揾下钱，同fd一齐翻kfc（我frd早过我返）第一日返好紧张，但冇人教我，同话我听要做乜，剩系问我知唔知kfc有啲乜，我话唔知，佢就畀张餐牌我，要我睇，话要我睇熟知有乜。之后我朋友（佢做厨房 我系前台）话我听，啲同事觉得我阻住晒，唔知做紧乜。
【网民分享3】
第一份返工系15岁送外卖，第一单就系送鸡窦，仲好记得有两个门钟，一个系送外卖，一个系帮衬，仲记得呢单外卖收咗$20贴士。
【网民分享4】
第一次做正式pt系做cold call，间嘢系一间私校所以做方嘢方式好commercial，老细想我哋氹多啲DSE学生来读，但由于我get唔到佢要我呃人，所以反而喺电话度帮人度佢哋真正想行嘅方向同鼓励佢哋。虽然我最后因为呃唔到人入局俾人炒咗，但日日笑住开工收工，算系几正面嘅经历。
【网民分享5】
第一次返工系去帮小学生课后补习，第一堂中段突然有个小四嘅男仔自残，好大力用头撞墙，狂大叫，失晒控，我呆咗。但佢啲同学不为所动，劲冷静咁话佢平时都会咁，结果个班长斯斯然去揾老师，我就顶住个细路唔好自残。后尾先知原来个小朋友由细到大畀人家暴，先会成日突然失控叫人唔好打自己然后自残
【网民分享6】
便利店pt朝早叠报纸，将唔同版“摄”成一份，间舖共用一对胶手套，戴完对手好似会烂咁臭，唔戴又污糟。叠报纸同时仲要serve客收钱，从此对咩职业嘅人都会唔该前唔该后，打工真系好辛苦，俾多啲尊重，大家都好过。
【网民分享7】
中学毕业𠮶阵去间法国餐厅做Waiter，啲客俾𠮶小小钱就当自己食紧Fine dining多多要求，又要咩饮品后上，上甜品先。返工仲要带着个Walkie, 成日沙沙声搞到听唔到人order紧咩，唔带又俾个经理闹劲烦。。。做过餐饮之后先知有几辛苦，以后都唔再做，而家好尊重啲Waiter。
【网民分享8】
我做过书展收银去到第四日炒咗，佢一请请劲多预黎炒 一日炒十几个，我睇住其他跑唔到数既pt即炒，仲记得有个pt嬲到除衫喊住走 ，去到最尾果𠮶日收银净得full time同写字楼班人，啲跑数pt sales净得三四个。
【网民分享9】
当年中学毕业个暑假第一次返pt，虽然未放榜，但会考成绩几好，有间机构请我帮d学生补习，点知返工当日先知要去一间男校教，仲要系教F.4-F.5，𠮶班有4、5个男仔，但补补下连隔离班啲仔都嚟晒我度口花花乱讲嘢，最后个机构要请多男导师陪我。
【网民分享10】
中六暑假去咗做餐饮，比我撞到个女同学一齐做，但因为返工时间有些少唔同，每次收工都好似痴汉咁喺公司附近转多一个钟到等埋佢收工，又住埋同一条村所以可以日日送佢返屋企，最后比人friendzone咗。
👉🏻 👉🏻 👉🏻李家超｜6届行政长官边个学历最高？网民：最紧要做到嘢 !
同场加映：求职陷阱｜返新工签约5大伏位 离职通知期要留神 专家:唔使即签
毕业季又到，不少毕业生早在毕业前已经为自己的前路著想，一早揾定工。不过，在求职期间，除了找适合自己的工作和争取面试机会，入职后的第一个难关就是要签署合约。《开罐》Opener就请教有“辣妈CEO”之称的企业管理顾问张慧敏（Alison）“Son姐”，教大家返新工签合约时必须注意的5大伏位！
点击连结看全文：求职陷阱｜返新工签约5大伏位 离职通知期要留神 专家:唔使即签