郑志雯回港隔离获子女送窝心礼物　一封电邮证酒店不冷漠｜珍姬蜜

本港疫情好转，回港居民隔离只需七日，小珍身边唔少朋友都忍唔住订机票“出走”，除咗去旅行，亦有出国公干。不过，疫情改变了大家出行模式，就连“share”嘅内容，也出现变化。

小珍知道瑰丽酒店（Rosewood）集团首席行政总裁郑志雯（Sonia）早前到美国公干，最近回港隔离，亦喺社交网站分享一些相片，十分有意思。

郑志雯上载了一张手画嘅卡，同一张零食相，卡上面写住“Welcome back Sonia & Paulo”，并加了“CARLYLEANDCO”及“ROSEWOODHONGKONG”两个Hashtags，相信系瑰丽旗下私人会员俱乐部Carlyle & Co员工亲手画，以欢迎郑志雯与先生庞建贻﹙Paulo﹚回家。

但讲到最窝心， 一定系仔女们亲手做嘅布朗尼同手写字条，见到字条上写住“I miss u”，相信未食布朗尼已经甜入心！

郑志雯坚持带给客人家的感觉

虽则话酒店是“人哋地方”，但宾至如归的感觉，不时上演。上个月郑志雯到美国Rosewood旗下嘅酒店The Carlyle开会，佢提到前线员工向佢分享咗好多故事，感受到佢哋工作嘅热情，令自己更坚信教导前线同事热情款待系啱嘅。

其中一个故事，系一位远在美国客人，特登寄咗感谢电邮俾佢，讲述入住嘅经历。原来寄出电邮嘅客人，喺今年年头入住美国The Carlyle，当时𠮶位客人嘅妈妈刚刚过身冇耐，为咗走出丧母之痛，佢决定喺The Carlyle住一星期，原因是The Carlyle系佢同佢母亲最钟意嘅地方。电邮提及，The Carlyle嘅员工好用心招待佢，同平时一样细心之余仲有同佢倾偈，令佢有屋企人陪伴嘅感觉。

郑志雯话呢封电邮令佢好深感受，亦都令佢确信自己一直以来嘅信念系正确嘅。面对生活嘅难关时，正如圣严法师嘅十二字箴言︰“面对它、接受它、处理它、放下它。”相信𠮶位客人选择入住The Carlye，正正就系想处理自己悲伤嘅情绪并放下母亲离世嘅痛苦，好好生活落去。难得遇上好员工，可以独自“疗伤”，也算不幸中的小幸。