【温多娜手记】港交所前公关一姐转战地产　下周一加入领展

港交所（0388）旧年公关部门人事变动，做咗多年嘅企业传讯部主管陈涓涓（Lorraine）于去年8月离任，最新得悉Lorraine原来转战地产界，下周一起任职领展（0823）企业事务及市场策划总监，继续做公关“一姐”。

以往港交所总裁李小加身边，总会见到Lorraine出现，对传媒问题有问必答，绝对系100分嘅公关。佢就话，以前港交所嘅事务就较技术性，而领展嘅业务就多样化一啲。虽然身经百战，Lorraine亦讲话新工系新挑战，唔会低估呢份工作嘅难度，会尽力而为。

至于点解决定加入领展，Lorraine认为系希望进入一个唔同嘅行业，自己有新嘅历练、新嘅视野，亦希望可与新闻界保持良好沟通，更好地连系社区及公众。