郑志刚神隐43日终“上水”　剃须新Look掟豆袋一击即中｜温多娜

曾被视为新世界（0017）第三代接班人、44岁的郑志刚（Adrian），自9月26日辞去集团行政总裁以及新世界系多间公司的管理层职务后，行动转趋低调，同时更绝迹各大社交平台。不过，今晚（9日）娜娜就发现，Adrian喺IG上载咗一条自己喺潮流文化音乐节“Hypefest Hong Kong”嘅短片，呢个亦都系继佢喺新世界业绩会上发表临别感言之后，神隐43日再度“上水”。

虽然无见个几月，但Adrian似乎懒理外界闲言，一样咁神采飞扬，最特别嘅系，佢终于剃咗须，用新Look示人，果然宁舍精神爽利呀吓。其实，今次佢系以文化艺术盛事委员会主席身份撑场同埋致辞，仲话呢个活动系继美国纽约、河北秦皇岛及杭州等地成功举办后，首度登陆香港。

掟豆袋一击即中

佢就形容今次活动入面，邀请咗不同地方人士体验香港嘅创意，除咗可以巩固本港作为文化交流灯塔嘅地位，同时亦有助培养本地创意人才。佢仲话，之后会继续吸引更多创新的艺术和文化活动嚟香港举办添呀。

而致辞之后，Adrian仲满场飞，同身边人鸡啄唔断，跟住去咗一个摊位玩掟豆袋，仲一击即中，心情劲靓呀。