盘点3间台湾女星自创时装网店 人气超高 件件都好抢手！

明星们嘅穿搭往往都系时尚嘅指槱，加上长时间接触时尚圈，唔少明星都开始善用自己嘅潮流触觉，创立自己嘅个人品牌，仲会亲自担任埋设计师同模特儿，单系呢几个元素，相信已经烧到唔少粉丝及时装迷！今次为大家盘点3大台湾女星嘅自创时装品牌，每间都各有风格，而且价钱超级亲民，就算系学生都负担得起，即刻睇下你嘅偶像有冇份！

1. 昆凌自创品牌——JENDES

昆凌嘅自创品牌JENDES主打美式休闲风格，每件服装嘅设计都结合咗昆凌自己喜欢嘅风格同款式，型格得嚟带点随性，同时又融入咗每季最新最流行嘅元素，品味果然系不容小覤，如果各位姊妹本身都系行开欧美风，不妨去买番两件，跟模特儿取下时装经！

2. 范玮琪服装品牌——GENQUO

范范范玮琪嘅服装品牌GENQUO主打简约舒适嘅日系无印风，每件单品几乎随手拎起都可以轻松配搭，Causal 得嚟又唔会令人感觉求其，反而带有平易近人嘅温柔感，唔同类型嘅姊妹相信都可以驾驭得到。除咗女装，GENQUO亦有亲子装同情侣装，大部分价钱都系HK$300内，CP值咁高，真系忍唔住一件接一件加入购物车！

3.许路儿自创品牌——LURE HSU

许路儿将自己最爱嘅率性美式风格融入个人品牌LURE HSU之中，相对于同样走欧美风嘅JENDES，LURE HSU偏向带点小性感，衣服设计虽然较为简单同日常，但就非常突显到女人韵味。LURE HSE最特别之处在于有How To Wear嘅衬衫指南，将唔同类型嘅服饰，例如黑色衫、牛仔衫裤等等分为唔同主题，再提供唔同造型畀大家参考，而价钱同样系超级亲民，每件衣服大概HK$200就有交易，就算成套买都负担得起。

以上三个品牌同样都有提供海外购买服务，由速递公司直送香港，而运费则会根据衣服嘅重量同速递公司而定，小编已经忍唔住手拣咗几件，准备去埋单喇，大家睇啱都快手入货，皆因佢地好多货品非常抢手，稍为犹豫就会俾人抢走！

(产品资料以最新官方发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈  

👉按此进入Telegram优惠码发放区👈