演唱会扑飞攻略 唔想助长黄牛挨炒价可以点做？

2019 下半年演唱会多萝萝，先有女神 Kay，再黎就有轩仔，而时隔 6 年冇开演唱会嘅 Eason早前亦都宣布会喺年尾见大家，一众乐迷真系又期待又怕受伤害，毕竟呢啲天皇天后嘅演唱会飞的确系争崩头都未必买到，如果唔想助长黄牛或者食炒价，咁就等小编过你几招点抢正价飞啦！

1. 售票网买飞预先打定资料最稳阵

一般人买演唱会飞都会选择经城市售票网、快达票或者其他网上购票平台，但由于同一时间有大量人潮涌入网站购票，成个买飞过程几乎系分秒必争，所以最好就喺买飞前先注册成为该购票网站嘅会员，并预先打好买飞所需嘅资料，包括姓名、电邮、信用卡号码、安全码、有效日期等，咁抢飞时只要 copy and paste 就得喇，避免因为打错或者要重新打过资料而浪费时间。

2. 留意信用卡优先购票

好多演唱会嘅主办单位都会同唔同嘅银行信用卡合作，畀客户优先订票。根据以往嘅例子，以下嘅信用卡都系多次提供过优先订票嘅信用卡嚟，各位乐迷不妨考虑下申请定呢几张卡：

小编提提你，今年年尾嘅陈奕迅嘅演唱会，优先订飞信用卡就系东亚银行信用卡！

3. 善用抢飞 app —— KKFly

如果网速唔够人快，又冇相关嘅优信用卡，不如试下用抢飞 app KKFly。呢个手机 app 主要系介绍各种旅游优惠，但同时都具备抢飞功能，机票同演唱会飞都有得抢，大家可以跟住以下步骤扑飞：

Step 1：下载 KKFly app，喺演唱会开卖前睇广告储扫把，扫把用嚟重新整理（F5）订飞网页（1扫把 = 自动重新整理500次）

Step 2：喺演唱会开卖时按 app 右上角嘅“抢飞”，然后选择演唱会

Step 3：入到去之后，后睇到嘅如果唔系购票嘅页面，就按右下角的机械人图示

Step 4：再按自动重试，直至见到正式嘅购票页面

想成功抢到飞嘅话，大家记得要预早熟习下 KKFly 嘅操作同登入定先喇！做足以上 3 招，成功抢到飞嘅机会即刻大大提升！

(产品资料以最新官方发布为准)