柯士甸工业意外｜死者刘浩祥原带家人11月旅行　𡥧女：想睇我毕业

西九龙柯士甸道西地底工程今早（24日）揭发的工业意外，夺走两名六旬男工人性命。其中死者刘浩祥（63岁）遗下妻子儿女四人，一家人傍晚于家门外拜祭，几母女哭成泪人，并称警察上门才惊悉噩耗，对惨剧感到匪夷所思，“系工业意外，但亦有人为责任！”一家人原定11月的旅行梦落空，刚大学毕业的𡥧女更哭至脚软蹲下，崩溃喊：“12月毕业礼，佢（爸爸）想睇好耐，但而家冇喇，呜‥‥‥”

刘浩祥任职水喉工逾30年，与妻子、长子及两名女儿，一家五口居于元朗朗屏邨，𡥧女今年刚大学毕业。原本子女陆续出身，双亲便可放下心头大石，安享晚年，讵料突然遭逢巨变。傍晚时份，几母女与其他亲友，在家门外拜祭，哭得肝肠寸断。

妻子哭称：“掉低我哋几仔乸‥‥‥一句说话都冇交低，死咗都冇人知，冇阴功呀！”刘太指，丈夫为养家奔波劳碌，放假仍坚持陪伴家人，“压力好大，读大学唔使钱？有时星期日都要返工！”一家人原定于刘太11月生日时，去日本或泰国旅游，现时美梦落空，刘太：“几廿年未搭过飞机！”𡥧女更一度哭至脚软蹲下，崩溃喊：“12月毕业礼，佢（爸爸）想睇好耐，但而家冇喇，呜‥‥‥”

死者长子今早在医院认尸时，质疑“点解会有两个人冇收工冇人知？”细女则促请当局及涉事公司厘清事件真相，“最想知道点解会发生呢件事？点解两个工人系密封空间入面做嘢，管工会走咗？点解道门最后会锁咗？公司职员、上司，所属公司都冇联络我哋！只系医院见到，我哋想要个解释。”

细女续指，是次工程于9月19日开始，爸爸平时即使加班至凌晨，亦会主动告知家人，今次直至警察上门才知出事，其公司却向他们表示不清楚紧急联络人电话，“做咗20几年嘢但（公司）唔知联络人电话！今次系工业意外，但亦有人为责任！”

西九地盘水喉匠通宵被困管道　疑硫化氢中毒亡