MIRROR演唱会｜有镜粉受惊送院　离场粉丝惊魂未定：而家都仲手震

“MIRROR.WE.ARE LIVE CONCERT 2022”红馆演唱会事故不断，第四场（7月28日）表演更发生恐怖意外，舞台中央的巨型悬空屏幕突然跌下，全场观众亲睹两名舞蹈员被重击，尖叫声四起，有粉丝更因而受惊送院。事后演唱会即时腰斩，有离场观众直言非常恐怖，惊魂未定称：“到而家都仲手震！”

观众陈先生对事件感到犹有余悸表示：“见到个mon（屏幕）垂直跌落嚟！非常震撼！”他指事件令观众心灵受创，“我哋睇MIRROR其实都系想开心，但系而家见到系非常恐怖！好似集体创伤咁，要疗愈自己，到而家都仲手震，震得好紧要！”他认为今次责任不在花姐，而是相关人士必须检查和调查，“花姐监督个run down（流程）系smooth（顺畅）咗，但呢啲安全情况唔系花姐睇得到，“因为仲有咁多场，MIRROR十二子同dancers（舞蹈员）仲敢唔敢上个台？”

而观众朱先生亦感到十分震惊，他指意外前不觉屏幕有异样，“全部人都吓亲，都唔知咩事，好惊呀‥‥‥（伤者）瞓咗喺地冇起身过！”他指早前已知意外频生，担心再生事故，讵料果然再度发生意外。朱先生认为安全起见，演唱会必须腰斩，“有咩事大家都唔想！”又祝愿伤者早日康复。