【高买直击・有片】旺角遇窃店主发片缉匪　善意“提醒”记住畀钱

【20：30更新】经理Jason指出，片段中怀疑偷窃的孕妇未有现身，老板已前往警署报案求助。

▼欲网开一面　经理：冇理由要个BB喺监狱出世

店舖经理Jason向《香港01》表示，于上址工作逾两年， 首次遇到孕妇盗窃，“见个肚都大 ，差唔多生得 ，冇理由要个BB喺监狱出世，咁会害咗个BB，请示过老细，希望畀个机会佢”。

Jason忆述，昨晚约11时，同事收舖前执货架，“发现唔见两件嘢（货）”，遂翻看CCTV。片段显示，昨晚约10时46分，中年男犯案时，孕妇则一边“煲烟”一边扮光顾。Jason称，过往发现不少年青人偷走店内电话线或电话壳，会立刻翻看CCTV，并将CCTV片段交予警方，惟今次见事主为孕妇，盼网开一面。

Jason又指，“佢哋两个（贼人）都系成年人，佢哋两个做咩我控制唔到……佢嚟偷嘢就唔啱， 但BB好似好无辜”。

Jason慨叹，“我见到段片都好无奈，冇遇过类似情况，冇试过悬红，希望尽快揾到佢哋……希望佢哋睇到悬红，6点前过到嚟”。