失胎情绪支援│天使爸爸有泪不轻弹　没母胎连结如被动受害者　

一个新生命的诞生，伴随的是一家的喜悦；一次流产经历，除了关顾失胎妇女的身体需要外，心灵上的陪伴更是重要，可是，在男儿有泪不轻弹的传统观念下，失胎父亲的需要却鲜被提起，到底他们是否如外表般坚强，能轻易走过不一样的丧亲之痛？
摄影：郑子峰
（失胎父母情绪支援专题三之二）

亚树四年来经历三次失胎，除了面对不断的自责和失落外，她亦察觉到丈夫努力将情绪压抑下去。她形容丈夫性格内敛，很避忌谈及自己的哀伤，“第一次流产时，其实先生刚经历丧母，完成奶奶丧礼，落山后发现我都冇咗BB，对佢嚟讲系好大打击”，但丈夫从不向别人透露自己的情绪，“佢处理情绪嘅方法就系躲喺自己嘅树窿里面”。

佢嘅身份比我更模糊，我都有照声波，知道自己同BB有连结，但佢只系喺我口中得知有新生命，但最后又真系失去咗，可能有啲人觉得男人唔会好伤心，但其实佢喺呢件事上期待咗好耐，唔系几星期嘅感情，系好长久嘅期盼，所以失落感好大，但佢唔会讲出嚟，唔会喊出嚟。

特意弄哭丈夫　让其宣泄情绪

直至亚树第二次失胎，丈夫同样难过，但因忙于照顾她，再次选择把自己的情绪埋藏起来，“男人真系唔会同身边嘅朋友讲架，即使同佢细佬都唔会讲，加上同年纪嘅男士亦好多有小朋友，令佢更加唔会分享情绪”。亚树更表示，自己需特意弄哭丈夫，令他情绪得以发泄，“啲人想问候佢，都系要先问候我，透过我去问候佢，到依家佢都系唔会接受辅导”。她形容在丈夫的世界内，是一个“被动的受害者”，“佢嘅身份比我更模糊，我都有照声波，知道自己同BB有连结，但佢只系喺我口中得知有新生命，但最后又真系失去咗，可能有啲人觉得男人唔会好伤心，但其实佢喺呢件事上期待咗好耐，唔系几星期嘅感情，系好长久嘅期盼，所以失落感好大，但佢唔会讲出嚟，唔会喊出嚟”。

同样曾经三历流产的素雯，忆述丈夫特意向公司请假留家陪伴她，“佢有个同事同我同期大肚，大肚同事同先生工作交流时，好惊会触动到佢痛点，不知如何是好”。她指丈夫虽然不会对该名同事有任何怪责之情，但仍是有点难过，“佢喺街见到其他大肚婆都会有啲感触”。

呢班小朋友本来不会被大家认识，如今佢哋嘅名字可以堂堂正正印喺呢本书上，呢班孩子系这本书嘅主角。

丈夫投入出版事务　感动孩子名字堂堂正正印在书上

直至素雯邀请丈夫一同负责出版《天使爸妈的生命教育》，并提议他为女儿诗舟写一封信，丈夫不但爽快答应，更投入地负责审稿、核实及出版的工作。“男性不太会表达自己，我好想透过佢嘅文字，知道佢发生咩事”，最终丈夫写下长文追悼女儿，本来不擅表达情感的丈夫向自己说道，“呢班小朋友本来不会被大家认识，如今佢哋嘅名字可以堂堂正正印喺呢本书上，呢班孩子系这本书嘅主角”，素雯听后感动不已。

至于天颐妈妈的丈夫则相对开朗，愿意跟相熟的朋友倾诉，而且夫妻“自爆”失胎，相对隔走了不少无谓“慰问”，但她坦言可能是丈夫为其挡下了那些难堪说话，才令她毋须接触那些二次伤害。她忆述公开流产一事后，竟得知身边不少人也有相同经历，“因为我哋自己讲咗先，自然会收到很多慰问，其中一个系我好少联络嘅旧同事，佢同我讲，我两个月前都小产了，我第一下反应系呆咗，因为我从来都唔知佢经历咗呢件事，依家你安慰我好定我安慰你好呢？”她更因流产而得悉一个相熟的家庭，原来除了眼前的子女，也曾有流产经历，“原来对好多人嚟讲，（流产）系唔容易讲出嚟嘅事”。她认为除了感到难开口外，更重要的是害怕面对说出来后别人的反应，期望失胎父母能在书中找到慰藉，“你唔会因为睇呢本书而俾人知你失胎，心理关口比去寻求辅导可能冇咁大”。