艾粒忆被鲁芬抄牌介绍工作：我哋呢啲虾仔都记得

DJ当奴和阿占合体出席商台团拜，惜日子刚好碰上鲁芬BB离世，难免有伤心的感觉，艾粒直言与鲁芬BB有过几次见面的机会，最深刻的就是当年两人主持TVB节目《逐格斗》，鲁芬BB是首集嘉宾：“𠮶时佢叫我哋畀个电话嚟，话系大陆同澳门都有好多骚，可以揾埋我哋玩，佢好睇我哋啲细，我哋两个对佢嚟讲系小虾仔，未必记得我哋。”两人表示鲁芬BB之后真的有为他们介绍工作，可惜档期问题令合作告吹：“都几唔开心，突然间两个礼拜内发生，佢好热情，佢系恶，但其实系知你觉得你佢恶所以扮恶，真系好专业。”

宇宙巡回最尾一站

而艾粒在下月头将会在首次在澳门开骚，于威尼斯人举行《YO! 圣艾粒battle五行欠》宇宙巡回-澳门站，话就话宇宙巡回，不过其实巡到澳门就完，骚名只是纯粹自抽，两人更开玩笑说：“其实好多地方想我地去，我地坚持个Set要同香港一样，我哋唔肯妥协，最尾搞唔成，澳门会做返啲香港做唔到嘅嘢，譬如我哋本身想玩抛胶波，用几皮嘢买咗个大波波，但香港唔畀抛。”他们更表示今次的制作单位是为BIG BANG搞骚的同一公司，当奴更戏称今次是自己入伍前的最后一次Talk Show。

拍Viu TV节目　咁Do姐呢？

另外，今年合作15周年的两人表示将会有一系列的庆祝计划：“但就未计划嘅。”不过暑假就会Viu TV有个饮食节目，教整“暗黑料理”，将和名厨徐蒝合作，去咗Viu TV咪冇得再同Do姐（郑裕玲）合作？两人表示：“日日都见到，日日都挂住佢，每次见到都话挂住佢嘅，宁愿你哋挂住我哋合作，好过话‘又系你哋啊？’。”