亚洲电影大奖︱梁雍婷夺女配承载受害者痛苦：白日之下仍有黑暗
撰文： 莫匡尧
出版：更新：
第十七届亚洲电影大奖颁奖礼今日（10日）举行，颁发21项大奖。其中本届焦点演技奖项“最佳女配角奖”，由《白日之下》演员梁雍婷夺得，Rachel激动得奖后，亦到典礼后台接受传媒访问。
梁雍婷在《白日之下》展现出色演技，在千呼万唤下得奖，在台上更意外绊倒咪高峰，她笑言：“咁就名留青史咗喇！因为𠮶份激动系，我知道自己有呢个女配角提名，好感动系导演、编剧Iris、阿风、Jennifer（余香凝）、John哥（姜大卫）都特登为我出席呢个颁奖典礼，我好想慢慢逐个逐个同佢哋讲多谢，系佢哋每一个嘅努力先有我——小玲呢个角色！有我呢个演出，所以我觉得个奖项系属于佢哋！”
提到在《白日之下》的演出，梁雍婷表示在疫情期间无法亲身探访院友，透过其他纪录片及医疗报告揣摩角色，她分享到角色对自己而言的重量：“其实我哋唔好忘记《白日之下》呢个角色系改篇自真人真事，香港系曾经发生过一单新闻案件，其实好希望透过电影嘅力量等大家直视返，喺白日之下依然有黑暗嘅存在，希望大家见到弱势社群会主动伸出援手！”
梁雍婷更表示：“坦白讲，我攞呢个奖冇好开心，因为我知道呢个角色系要承载受害者嘅痛苦而得返嚟。”她更呼吁：“希望观众知道我攞呢个奖，可以了解返当年发生嘅事情，然后希望香港唔会再有同样嘅事倩发生。”