潜行｜刘德华找40年前“雕兄”再合作 孖大︰一齐吊威也打餐饱
撰文： 许育民
出版：更新：
电影《潜行》由刘德华监制及主演，将于1月11日上映，今次是一部罪犯动作电影，戏中不乏动作戏，而华仔亦找来一班老朋友客串当动作演员，既念旧亦重情重义。其中一位叫孖大的前辈，原来正正是1983年版《神雕侠侣》中饰演雕兄，当时可谓与华仔上山下海，出生入死，由朝拍到晚。
刘德华于1981年艺员训练班毕业，未几已有机会做主角，饰演《神雕侠侣》的杨过，成为电视剧嘅经典。今次拍摄《潜行》，无意中与剧中的雕兄相遇，另外两位前辈大哥张华及财哥，原来都有跟刘德华合作过。
拍摄当日，刘德华并冇相关戏份，但身为监制当然亲力亲为在拍摄现场出现，并与几位相识多年的龙虎武师、动作演员谈起旧时。其中孖大算是跟华仔合作最耐。孖大︰“佢未红𠮶阵，我哋一齐开工喺路边食饭，最记得𠮶时喺电视台拍《神雕侠侣》，我就做只雕，日头一齐喺外景吊威也打餐饱，夜晚入厂一齐做文戏，我好记得。”
+1
另一位叫财哥，算是跟华仔合作时间最短，但都由电影《刀剑笑》（1994）开始合作︰“唔知点解成日畀佢打，哈哈……我同佢拍过《刀剑笑》，最困难嘅一部戏，最辛苦，你问番佢就知。佢好好记性，打一套动作，佢九成都记得番晒。”几位又赞刘德华Keep得好好，不过华仔都大赞几位仍然活动十足︰“佢哋大过我都仲咁后生。”