爆裂点专访｜张家辉拍动作一条跑命　梁洛施︰啲仔钟意睇我拍打戏

撰文： 许育民
出版：更新：

电影《爆裂点》本周上画，最大卖点是导演林超贤（阿Lam）与张家辉这对动作CP，事隔9年再聚，虽然今次阿Lam身兼总导演及监制，执导的是唐唯瀚，但张家辉对于这位魔导都是有点“避忌”。“开拍时唔敢同阿Lam讲之前接咗两部戏，都打咗好多，费事知道我喺其他人部戏打咁多，我要多啲，咁我就死。”张家辉说。

除了旧友相聚，今次还有新知梁洛施（Isabella）及陈伟霆，而梁洛施就要晒黑及剪短发演一位来自东南亚的制毒师。虽然幕幕都走难咁款冇靓过，但反获囝囝欣赏︰“佢话钟意我黑啲健康啲。”

张家辉笑言在外边拍动作片，唔敢畀林超贤知，知会叫佢打多啲。（梁碧玲　摄）
张家辉话一睇个戏名，就是会打到杰挞挞。（《爆裂点》剧照）

惊辛苦又惊唔够喉

今次是自《魔警》后，张家辉再与林超贤合作，虽然口里说不想太多动作场面，但身体还是很诚实︰“如果冇我仲唔开心，佢对动作的要求好高，我自己都钟意，有时惊太辛苦，但有时又惊唔够喉，系矛盾。”

每次合作，家辉都要求要有新鲜感，而今次难度在于要演一个好人角色︰“好人最难演，以前系灰色踩界好好做，可以肆然去发挥，做好人就有好多制肘，每次都带内疚嘅心情去面对个世界咁。”

家辉扮林超贤说服他接拍这部戏时，表情相当抵死。（梁碧玲　摄）

想快黑变晒㶶

Isabella 虽然在戏中是饰演制毒师，但内里都是好人，有不少挣扎，但去到试造型时导演嫌她太白，白到反光要晒黑时，她就冇挣扎一口答应。“因为角色是东南亚女仔，我接得个角色冇话唔可以晒黑，唔可以剪发，而且晒灯一阵就会白番。”后来更见套戏就开，但自觉未够黑，于是偷偷地加大力度去晒，“点知真系会晒㶶。”

黑黑实实的梁洛施，有另一番感觉。（《爆裂点》剧照）
Isabella略嫌今次跟家辉的对手戏不够多，未够喉。（梁碧玲　摄）

两位早前都在内地开工多，今次拍完港片，就是有种回家的感觉。梁洛施︰“拍番港片好开心呀，有咁好嘅团队，只系同家辉嘅对手戏唔够喉，戏份太少。”张家辉︰“最开心莫过于在自己成长的地方，拍到一部有质素的电影，我发觉自己最随意，最自然开心起来的时刻，就系睇住一大班工作人员在片场开工，各有各忙时，自己就最开心。”

张家辉自言拍动作戏，都是一条跑命，跑唔停。（梁碧玲　摄）

跑匀尖沙咀中环

拍动作戏，走走跳跳少不了，但今次家辉最多的是跑！今次更跑匀尖沙咀同中环。张家辉︰“之前有个女演员话我系一条跑命，又系㖞，我成日要跑。当年拍杜琪峰《大事件》、《黑社会》都跑到冇咗半条命，然后再遇多个林超贤。我都有提Isabella点样跑得好睇啲，揸枪跑要见到支枪，会好睇啲。”而Isabella嘅囝囝，就好喜欢妈妈演动作戏︰“佢哋钟意我拍动作戏，又话钟意我晒黑，感觉好健康，白雪雪唔好睇，叫我快啲晒黑。”

现实中两位都已为人父人母，分别有一女和三子，今次在戏中亦一样，但有趣是戏中子女的性别刚好跟现实中相反，家辉会有个仔，Isabella就有个女，这个尝试又有何感受？张家辉︰“仔OK呀，可以粗鲁啲对佢，闹下佢掴下佢都仲得，几好呀！”而Isabella同样喜欢仔多啲︰“好彩自己系生仔呀，如果系女我会有好多嘢担心，都系有个仔好啲。”

Isabella希望往后有更多机会留港拍戏。（梁碧玲　摄）
Isabella戏中的女儿由许恩怡饰演，两母女针锋相对。（《爆裂点》剧照）

鸣谢︰

场地：The Crown@湾仔英皇骏景酒店

张家辉

发型：Evan Wong

化妆：Midco Chu

梁洛施

发型：PiusYiu @orient4、Mega Cheong@orient4

化妆：AnnaEden

服装：Christian Dior