古天乐盼《白日之下》令人关注社会问题　4字回应尹光获网民力撑

古天乐今午（16日）与余香凝出席名表活动，有份投资嘅电影《白日之下》票房直近1千万，古天乐明显心情大靓，亦预告将会出席谢票活动。“票房好当然大家都开心，但我希望可以再节节上升，因为今年电影票房唔系太理想，好难得有一部，我知余香凝谢票都好辛苦，但大家都一定要坚持，一部好电影希望有好报同有人欣赏。”余香凝表示上星期花13小时谢票，预计今个星期亦会继续，谢票期间想到有伤痛经历时，都会为对方送上拥抱。

古天乐坦言票房非自己可以控制，谢票除为延长上映时间外，亦可了解观众看法，或许对下一部作品亦有帮助。“好电影系需求支持，同埋辗转反侧搞咗5年都无人投资，我睇完觉得系部好好嘅电影，而家证明呢件事系真。”问到观后感，古天乐表示仍很多社会问题未解决，但希望大家不要忘记。“有啲可能系见唔到，但佢系发生紧，所以我希望通过电影去话畀大家听要关心多啲唔同社会阶层。”

电影中提到不少老人问题，问到演艺人协储会否也关注圈中嘅老前辈是否得到足够照顾等问题，古天乐说：“演艺协会过去几年好重复做嘅，可能好多老人家有病，甚至有啲个案我见系有失智，老人院佢又唔想住，租地方又怕佢落街唔知去边，好多呢啲个案都要处理，但真系太多人数，我哋好多前辈年纪大咗，佢有好多唔同嘅疾病，我都希望逐一去处理。”古天乐表示遇到不少身体情况不理想但缺乏人照顾的前辈，虽然他认为最理想是安排对方入老人院，但亦明白无得迫。

提到戏中宝佩如饰演嘅冷血看护，古天乐透露当初与监制讨论了很长时间，希望找一个不会予人反派感觉嘅演员。“好似《活在当下》普通人咁，睇到最后原来佢系衰院长，亦证明我揾佢系无错，演得好好。”

另外，讲到近日尹光获网民力撑，成功杀入叱咤我最喜爱男歌手，同样曾获网友推到上台嘅古天乐有何看法？他说“我觉得百花齐放好呀。（睇好佢？）百花齐放啦。”