《阴目侦信》葛民辉劝肥仔及早收手　师徒不和靠唱《情与义》修补

由ERROR四子梁业（肥仔）、何启华（Dee）、郭嘉骏（193）、吴保锜（Poki）主演的电影《阴目侦信》，现正上映。电影公司开始公开部分绝密片段让已欣赏的观众回味，而未入场的观众就可以先睹为快。继阿正（黄正宜）与肥仔的“初吻”片曝光后，来到戏中饰演肥仔的师父葛民辉。葛民辉保持一贯风格，戏中表现劲抢戏，今次仲会唱出经典金曲。

今次曝光的一段情节，讲到肥仔敌唔过大厦的恶灵阵，要向开纸扎舖的师父葛民辉求救，阿葛一听就觉得唔对路，眼见对方布下天罗地网，并非一般游魂野鬼，叫肥仔千祈唔好理。然后肥仔再拎出喺现场执到嘅一嚿石头问师父，阿葛见到更觉唔对路，甚至叫肥仔早走早著。

不过肥仔正义入魂，完全听唔入耳，仲埋怨师父︰“我明嘅，唔阻你发达。”阿葛再三强调，收楼收到要出鬼搞人，绝对唔简单︰“阻人发达烧春袋呀！”不过肥仔都系无理会，仲向佢发难︰“讲到尾，你都系惊背后班有钱佬，惊你咪讲啰！”然后大步走出去，而呢个时候阿葛就喝住住，然后突然唱出一首《情与义》，劲爆笑！不过想知点解要无端端唱出呢首有情有义嘅金曲，就要入场睇。