古天乐为《明日战记》谢票过百场 回应193风波︰好忙就唔好勉强
撰文： 莫匡尧
出版：更新：
香港警匪动作电影《暗杀风暴》今日（17日）举行慈善首映礼，主演的古天乐、张智霖，联如吕良伟、胡杏儿、周秀娜等一众演员一同出席，为电影造势。古天乐与张智霖再度合作，令观众大为期待，于首映礼上亦接受传媒访问。
《暗杀风暴》中，古天乐需要一人分饰三角，更要为其中一个角色化上特效烂面妆，古天乐表示：“都化3、4个钟！但系都OK嘅！烂面妆都易啲，一块一块咁黐上去，相比化啲老妆真系坐喺度5、6个钟！”而电影讲述一班名为Darker的匿名人士，为他们信念中的公义四出为裁决而杀人，古天乐分享剧情时更剧透：“部戏最终都冇捉到真正嘅Darker，佢只系一个信念！信念相同嘅人，就会去做同一件事！”
近日男团ERROR成员193郭嘉骏，于新作《阴目侦信》上映时，因为声言拒谢票掀起风波。古天乐去年曾为电影《明日战记》，累计谢票过百场，当记者问到谢票心得时亦跟大家分享：“其实谢票本身都系想同观众有多啲互动，呢样第一。第二，谢票都要睇返佢本身个schedule，如果你个schedule真系好忙嘅话，就唔好勉强去谢票啰！因为唔好搞到自己病嘛，有时可能谢票又要做其他嘢，可能压力好大呢。”
至于谢票对古生的意义，他最重视是当中的互动。“我自己觉得谢票对于我嚟讲，系同观众嘅一个沟通、互动，同埋想听多啲观众睇完部戏嘅感觉，呢个系我想做谢票嘅一个方向。”