断网︱黄德斌深入网络森林全家被飞车追杀 谭耀文︰网络玩下好啦
香港数码犯罪电影《断网》，由郑保瑞监制、《麦路人》导演黄庆勋执导，三大影帝郭富城、林家栋、任达华主演，3月2日电影举行首映礼，城城与林家栋携同黄德斌、谭耀文等一众主演出席，与观众见面。《断网》的型佬演员阵容强大，黄德斌与谭耀文亦继《逃狱兄弟》系列后再次同框亮相，二人之间的火花让观众大为期待。
提到《逃狱兄弟》的合作，黄德斌整理一下拍摄时序后表示：“拍摄上应该系呢套先嘅。”谭耀文亦分享疫情期间拍摄《断网》的寒冬时期：“呢套戏应该系2019年定2020年，疫情最严重嘅时候，几乎好似系冇戏开㗎喇𠮶段时间，全香港唔知系得一部定两部，呢部系最大𠮶部。”
相比《逃狱兄弟》分别饰演惩教署长官与在囚人士，黄德斌形容在《断网》中与谭耀文的关未如之前炽热：“今次系比较疏离。”谭耀文随即笑指：“你又话唔记得嘅？”黄德斌续指：“我剩系记得同你𠮶场系喺Office，就系一场戏咁多啫，冇乜可以交流嘅嘢。”谭耀文又表示演绎角色上，与过去爆发性的银幕形象有所不同：“轻啲啰今次我嘅角色会做得，冇之前好多角色都好强势，有啲突破嘅我觉得。”
《断网》以电脑世界为题材，牵涉不少对白与技术专有名词，黄德斌表示：“唔多嘅！因为我个角色嘅对白本身都唔多嘅，但系都好重要嘅一个角色。”除了郭富城在访问中提及的惊险动作场面外，黄德斌亦有飞车动作戏：“因为要被出卖、要被灭口，所以喺一家人返屋企嘅时候，畀人跟踪，然后就杀害，系一个惊险嘅追逐场面嚟嘅。拍摄过程某程度上（危险）啦，其实有好多喺车里面我要拍嘅嘢就系听住导演指挥啦，靠自己想像而家个情况系点样啦，然后再拍车外嘅戏嘅时候，有啲（飞车）就要我揸、有啲就唔驶我揸嘅，但系都有啲好惊险嘅镜头。”
早前《断网》推出制作特辑，展示耗资2000万特技打造的“网络森林”，黄德斌表示自己也参与到该段戏份：“其实我都有㗎！我好先就入咗个网络森林入面，要跑嚟跑去嘅、要去攞嘢嘅，咁变咗里面嘅情况我系比较熟悉嘅。就系因为我咁熟悉，所以更加要搞掂咗我。”谭耀文随即笑指：“我系客串㗎咋，其他嘢都唔系好清楚。”黄德斌则补充指：“你唔驶进入去啫！”
《断网》以网络安全与危机为主旨，黄德斌表示不论拍摄前后，自己的意识也一贯谨慎：“其实大家都知道网络唔系咁安全嘅。”谭耀文则提及自己在网络上被入侵、冒充经验：“犹其系公众人物啦，好多时都会被人Hack（入侵），假Account啦、我最近都有试过，好多艺人朋友都有试过，所以网络嘅嘢玩下就好啦、轻轻间唔中玩下。”