流水落花︱导演贾胜枫期待自我突破　羡慕随时开戏︰我都要勤力啲

香港电影《流水落花》由贾胜枫首次执导，郑秀文（Sammi）、陆骏光与谈善言主演，电影以寄养家庭为主题，讲述七位离别原生家庭的儿童，经过社工的安排，先后在十三年里到天美姨姨（Sammi　饰）与彬叔叔（陆骏光　饰）家中暂住。

导演贾胜枫在首映礼上接受《香港01》访问，提及一众新锐导演百花齐放的盛世及未来的展望，亦对与香港电影不同岗位的业者合作的期待。

在政府电影发展基金的首部剧情片计划下，本年有不少新晋导演获得资助，得到拍摄首部执导作品的机会，贾胜枫的《流水落花》正是其中一部。贾导演在访问中特别提及此前鲜浪潮计划的重要性：“其实好多新导演都系鲜浪潮出身嘅，因为鲜浪潮最特别嘅系佢系一个准电影级嘅制作模式，虽然佢预算唔系好多，但系由写剧本开始到去推销评审、入围、制作、竞争奖项，其实都系好准电影级嘅制作（模式）。以短片嚟讲，佢都畀咗一个电影经验嘅制作畀我哋，虽然规模细，但系我哋会有一个concept（槪念）电影系咩一回事。”

贾胜枫的《流水落花》以寄养家庭为主题，当中不离对家庭关系、亲情的刻划，在贾导演过去的短片《飞往父亲的鸟》、《鸡蛋仔》中亦见同类主题。贾导演表示未来希望探索发掘更广阔的新类型：“如果有再之后嘅电影制作，我希望会唔同啲。我希望可以做一部离生活远一啲嘅电影。因为我之前嘅短片，我呢一部（《流水落花》）都系比较生活化、家庭伦理嘅戏，有下次嘅机会可能唔会同啲。”

去年不少新晋导演在首部执导作品上映前，已经开拍第二部导演作，贾胜枫笑指相当羡慕：“其实好惭愧咁讲，我都未计划。因为我都好羡慕啲导演或者编剧，手头上揸住四五个剧本，随时可以攞到出嚟，我都觉得‘唉！我都要勤力啲！’但系我暂时未有细节上嘅计划啰。”

在鲜浪潮出身的导演外，近年亦有不少在电影业中默默耕耘多年，曾担任不同岗位的电影业者开拍自己执导的作品。贾胜枫表示自己的道路有所不同，亦对自己的专长感到自信：“我谂我唔系一个技术出身嘅人，或者一个‘红裤子’出身嘅人，我谂我冇乜其他技术嘅。要我揸机、做美术、服装，我谂我真系完全唔识……其实唔系完全唔识，但系我嘅技术一定未去到帮我做嘅摄影指导、美术指导佢哋嘅级数啰，所以如果我仲有机会，我都会做返导演或者编剧呢一个角色。我谂呢两个系我有能力、有信心做得好嘅岗位。”对于与同业合作交流，贾胜枫亦开放地表示欢迎：“我唔介意写一部戏畀另一位导演拍，不过如果我自己做导演，我一定要自己写嘅，我起码要系其中一个编剧啰。”

一众新晋导演不论取材及风格均有各人的特色，造就了近年的百花齐放，贾胜枫表示现象正展现电影独有、罕有的生命力：“一定会唔一样嘅。因为导演呢样嘢好讲自己经历嘅，唔单止你有冇做过电影行业里面嘅其他岗位，包括你曾经读书、系唔系读电影、或者唔系读电影，你成条路系点走过嚟，其实都会影响一个导演嘅唔同风格啰。所以我觉得一定会好唔同，我会同其他导演好唔同，其他导演会同我好唔同，但系呢样唔同，正正就系电影宝贵。”

近年不少资深导演与电影业者积极提携新晋导演，亦衍生不少合作切磋的机会，贾胜枫认为他期待合作的不局限于导演，亦包括电影业其他岗位的资深工作者：“我都好希望同好多无论系资深嘅导演、监制，甚至唔系导演监制都好，只要佢喺电影界有好资深嘅资历，我都想跟佢学嘢。因为唔同嘅岗位，佢都可以畀导演一啲唔同嘅养份。例如今次有份帮我剪接嘅张叔平，其实佢都唔系做导演嘅，佢系做美术嘅，但系我同佢交流嘅过程其实学到好多嘢，学到唔系美术㖞，系导演方面或者编剧、剪接方面嘅嘢。”