过时过节︱吕爵安卢瀚霆角色性格反差大　写实风格触动香港人心灵

由新晋导演曾庆宏执导之深情之作－毛舜筠、谢君豪、吕爵安（Edan）、谈善言、袁澧林、卢瀚霆（Anson Lo）及梁祖尧等主演，以家庭关系为主轴的新片《过时．过节》，将于11月24日（下周四）上映。为回馈香港人早于香港亚洲电影节及优先场的大力支持，电影公司宣布，由本周四起购买《过时．过节》正场戏票一张的观众，即可获赠电影海报一张！

电影公司继上周发放由吕爵安主唱的电影主题曲《攀上天梯的蚂蚁》MV后，一直于YouTube人气音乐影片排行榜中名列前茅，Edan真挚唱出电影中一众角色当下的情绪，配上抒情曲风大受好评。而是日电影公司再推出一条“齐齐整整”的角色介绍影片，好让一众演员表达各自角色当中的心态与情感。

导演曾庆宏表示，《过时．过节》是香港人的写照，道尽每一种耐人寻味的家庭关系，他表示：“每个人都会喺电影入面，喺一众角色身上，揾到自己嘅影子，或者对屋企人嘅投射。”故事中，每个人物对于这个家，都有解不开的心结，如母亲阿玲（毛舜筠）的倔强与父亲阿真（谢君豪）的不擅表达引致矛盾，下一代受其影响，女儿阿琪（谈善言）事事恐惧，儿子阿阳（吕爵安）选择逃避。

而作为局外人的表姐阿Joy（袁澧林）和雀仔（卢瀚霆）对于亲朋好友的状况，力求帮忙改变，却是有口难言。而卢瀚霆于影片中更首度为其角色透露更多角色心态：“我嘅角色叫雀仔，系阿阳（吕爵安）嘅Best Friend，我同佢一齐run一间游戏公司，性格好乐观好动，对任何事都冇咩所谓。”Anson Lo更透露，特别感谢毛姐付出宝贵的私人时间，去提点他需要注意的细节：“拍呢三场嘅时候，毛姐三日都喺度睇，就算冇佢嘅戏份嘅时候，off camera嘅时候，佢会即刻行埋嚟同我讲话‘你边个位可以做得好啲’，佢教咗我好多野，而呢啲野系我从来未听过同未学过。”

对于参与《过时‧过节》，Anson Lo和Edan两位好拍档和“CP”形容是超越自己的一次尝试，如Anson Lo坦言：“今次同吕爵安拍戏，我哋嘅角色性格好似同真实嘅我哋交换咗咁，我真人比较高冷，佢就比较热情。”而Edan则表示：“今次个角色唔系大家熟悉嘅Edan，唔系《男排女将》入面嘅阿臣，唔系《大叔的爱》入面嘅阿田，阿阳呢个角色系一个好深入内在，好多层嘅角色。”

对于一众新晋演员的投入，令片中两位好戏之人——影帝谢君豪和影后毛舜筠倍感安心，一向出名对新晋演员疼锡有加的毛姐指，对Edan特别印象深刻：“新演员我都合作过好多，好似Edan成日都会好主动去追问‘点样可以做得好啲？’呢个心态好紧要㗎，佢系会成功嘅。”

而君豪哥表示谈善言和袁澧林在拍摄过程中非常专注，具备求好的精神：“阿谈同Angela会专登返嚟睇我哋拍戏，吸收多啲唔同嘅经验，或者佢哋睇到一啲好同唔好嘅野，都可以去吸收。好似我同阿谈两父女喺车上面嘅对戏，佢会想加插一啲细节，我觉得系相当之好，系一个好有睇法嘅演员。”