【正义联盟．有片】蝙蝠侠揸车要戴老花镜　海王十号波去睇浪

今年除了数都数唔清的Marvel超级英雄电影轮流上画，唯一对手DC在《神奇女侠》之后，还有一套终极晒冷作《正义联盟》（Justice League）铁定于11月上画，虽然《蝙蝠侠对超人》已“顺利”成为金草莓烂片，《正义联盟》学投资者话斋，都系先抱观望态度比较好。

11月就做，《正义联盟》的宣传已经展开，几个担正的超级英雄蝙蝠侠、闪电侠和海王的宣传短片刚刚出街，冇乜人识的海王是传说中阿特兰堤斯的英雄，擅长游水、潜水、浮潜等等，同埋钟意十号风球去海边睇浪，小朋友千祈唔好学；而蝙蝠侠宾艾佛力就一如既往好似嬲咗成村人咁，今集佢又有新蝙蝠车（有钱就是任性），但可能年纪大，揸车时要戴番副老花镜，撞亲神奇女侠就唔好；至于闪电侠就冇乜吐糟点，只系搞乱咗佢系Power Rangers嘅红战士……Go Go Power Rangers！