逃狱兄弟2 · 专访︱张继聪指中学似监狱　同吴卓羲扁平足痛住跑山

吴卓羲（Ron）、张继聪、谭耀文、黄德斌、栢天男（Adam）、张建声主演的电影《逃狱兄弟2》即将于28日上映，影片于去年尾率先登录内地视频平台爱奇艺，连续两周领跑票房，目前累计分账票房已破千万，成绩不俗。新一集中，加入了由Ron饰演的反派“贺俊”之余，还多了不少动作戏与外景，几位“狱友”全数出逃，令Ron忍不住笑言：“都系因为我！”

吴卓羲做反派获认可　“演员必须有唔同尝试”

做惯正派的Ron，今次是戏中最大的“恶人”，嚣张傲慢，盛气凌人。原本监狱的“新人”是被欺凌的对象，但他却一反常态，一入到监狱便给所有人下马威，本著“做任何嘢都要我讲咗算数”的原则，靠金钱收买人心，为剧情增添新鲜感，观众更是呼吁Ron做多些反派角色：“其实我觉得演员系冇乜所谓，即系必须要有唔同尝试。𠮶个角色自我中心好强，我就觉得我做所有嘢用钱去帮我逃狱系啱嘅，咁我又未试过一个人控制晒几百人嘅监狱，个角色同埋成个故仔好玩。”不过，有网友认为美中不足的是，Ron似乎只停留在“恶”的层面，对于“狠”还欠缺些火候，对此他亦作出解释：“佢唔系要好乞人憎𠮶只，佢系霸道𠮶只，即系佢令到所有人都好惊佢，总之入到嚟就要我话事，我喺呢几个月渡过咗我坐监嘅日子就算数，咁佢又唔系阴湿𠮶啲，佢直接系我收买你就收买你。”

张继聪自觉艺人工作形式多姿多彩　回忆中学男厕竟有监狱味？

现实中，人们活在激烈竞争与压力之下，有时身理同心理会难免感到压抑与束缚，令人想“逃离”。阿聪自认做艺人的工作形式其实多姿多彩，笑言身理上有“监狱”的感觉是读中学的时候：“因为我读演艺就已经好free，但我都觉得for成长系要有规范。反而唔系惊身理，最惊系心灵，有阵时‘监狱’系心灵，譬如唔一定系工作，有一啲嘢绑住你，你走唔甩呢个先大镬，即系你去到边都好似系监狱，呢种感觉仲折磨。”阿聪一边讲，一边回忆道：“我记得做新人歌手时，𠮶阵成日都要返去啲中学唱歌，好记得有一次临出场之前去厕所，咁中学生男厕一定系一阵味咁样，我唔知我突然间就觉得‘哗，中学，厕所，监狱嘅味道’，𠮶一刻突然间谂返起中学对于我来讲好有监狱嘅感觉，但读𠮶阵时唔觉，净系返番去做school tour嘅时候觉得，跟住再望一望个操场，再望一望啲学校排紧队，其实冇分别。你又唔系好想喺度，又唔知喺度做乜，跟住好似又受几年咁，𠮶刻突然好强嘅感觉。当然唔系话中学真系监狱，我谂唯一最似。”

栢天男不怕起步迟　吴卓羲拍打戏有妙招

相对于Ron与阿聪，Adam算是一位新人，但他并未觉得自己起步迟：“如果起步早，咁我未必有机会喺呢个situation见到佢哋两个，所以我觉得系perfect嘅，喺呢刻，呢个年纪，呢个经历，又咁啱撞到佢哋，我觉得几好玩嘅，好玩过澳大利亚。首先广东话呢样嘢我放开咗好耐，咁就好似冇咗小小嘅自己，咁返到嚟又可以参与电影，又可以同前辈合作，咁我觉得非常之好玩。特别呢位（指Ron）打人唔痛，镜头前面好痛嘅，不过佢好识就人。”Ron直言：“我觉得拍打戏你做到𠮶个表情，你做到𠮶个动作，你𠮶个动态喺度就得。我哋以前喺电视台训练嘅时候，其实都系要咁样，当然有啲武术指导，要我哋打落啲武师度，咁都系人嚟嘅，你一巴打落去，块面红晒佢都话唔痛，佢要食饭㗎嘛，咁我觉得我哋做演员嘅，无论打人又好，唔需要真系要touch到，少少可以，俾佢感觉到到𠮶个位，自己做𠮶个反应表情，我觉得已经足够。”

点击下图睇戏中精彩打戏：

监狱胶拖鞋臭味难顶　张继聪吴卓羲因扁平足受苦

对于连续穿了几集监狱戏服，三位主演虽没有抗拒，不过因为反季节就略感辛苦，最冻的时候着短袖，最热的时候着棉服，好处就是换衫很方便，而感受最深的，要数“胶拖鞋”阿聪讲道：“我觉得今次个胶拖鞋进步咗，上次拍嘅时候系劲污糟嘅，同埋佢哋换咗𠮶个质料，因为上次着呢，𠮶啲胶系好曳，又污糟，咁你又会出汗，又唔洗呢，啲胶又加埋啲汗，（啲味）涌上嚟，直情你自己都觉得‘哗……’咁今次千叮万嘱你记得要keep住洗，同埋着𠮶啲鞋又要跑又盛……”他更笑言，自己同Ron都是扁平足，跑山路又痛又累，因此受了不少苦。

三人透过拍剧训练有素　吴卓羲试过12个钟拍三十场戏

其实三位都辗转电视剧与电影之间，提及两者的不同，Ron同阿聪都自认在电视台学到很多，譬如训练看剧本，对镜头的敏感度，拍摄的shot会否连贯等，Ron自信地表示：“我就学到基本上唔系好睇剧本，我知我拍边一场我大概有一个concept喺度，咁第日去到先背，一个最好嘅训练嚟嘅。我试过喺国内一日拍过三十场，十二个钟。”而对于中文不太好的Adam来说，拍剧令语言快速进步：“电影就系100页，你当一个剧本，拍电视剧嘅时候，每集都系100页。高峰嘅时候一日拍廿几场。”

大家合作得如此默契，阿聪透露，原来第二集同第三集是一起拍摄，他坦言：“𠮶个感觉好似成个暑假大家都朝见口晚见面咁，呢个班底大家都熟，咁变咗拍嘅时候演员个默契可以融入喺个戏入面，大家都会尽量喺临拍嘅时候再度得啲嘢精准啲，希望个效果好啲，呢样嘢系好有养分嘅创作。如果唔系大家唔熟，又唔倾又唔盛，咁就唔系几好，但今次大家都好开心。”

点击下图睇更多剧照：

张继聪

发型：jobbylee@gmail.com

化妆：LevinaBo

吴卓羲

Make Up : Marsha Ma

Hair Stylist : Ian Wong@ii salon

栢天男

Hair : Kenki @ w workshop

Makeup : Jennifer @Annie G.

Outfit :@apc_paris @ithk