假冒女团｜Anson Lo处男作神徒包场撑　2千门票7分钟售罄跪求加场

Mirror 成员Anson Lo（卢瀚霆）首次拍摄电影《假冒女团》，作品将在本月25日上映。神徒为了支持教主，早在个多月前已准备包场事宜，后援会准备嘅16场优先场今早开放予会员购买，结果2千张门票在7分钟内售罄，反应十分热烈。唔少神徒由于买唔到优先场门票，纷纷跪求加场，而后援会负责人Annie表示会与戏院商讨加场。

Anson Lo今午录影《Chill Club》时获悉门票火速售罄后，似乎唔多相信自己叫座力咁强劲，他接受《香港01》访问时表示:“好多谢每一位神徒同fans，知道大家都好期待我嘅第一套电影，好想入场支持我。我喺演戏方面都仲系好新，好惊大家都抱好大期望入去睇，所以都好紧张，自己会有好多唔应该嘅想法弹出嚟。不过其实大家肯入场对我嚟讲已经最大支持。”今日录影时，Jer亦都在场，问到会否入场支持，Jer就话：“佢邀请我入去睇就会，通常呢啲都系邀请㗎嘛。”