田启文不鼓励新晋导演拍小众电影：始终要揾主流，观众要畀钱睇
撰文： 赵允琳
出版：更新：
田启文（田鸡）今日（25日）以香港电影工作者总会会长身份出席短片拍摄计划启动礼，坦言希望能透过比赛招募更多肯创新、视野够广阔和多角度思考的年轻人才加入香港电影业，但又希望能以大众口味行先：“电影始终系商品要面对观众同市场，要畀钱入场睇，所以新嘅导演或演员如果想拍，都唔好搞一啲太小众嘅题材。例如同志题材都系比较小众一啲，电影始终都要揾主流，但唔系话我去否定小众电影，百花齐放系最好，唔希望所有人净系去谂小众题材。但小众题材都可以变成大制作，一定要令唔同嘅人都有共鸣先有用。”
警匪片和黑社会电影向来都是香港电影的主流题材，但自从国安法实施后，不少人都担心电影作品制作上政治考量愈来愈多，田鸡表示是时候要跳出框框重新思考香港电影的新出路：“我好多年前已经要提出过要思考未来嘅出路同定位，以往香港电影拍乜都得，又冇任何约束，但碍于而家有法例改变要小心去摸索，系要时间去适应，作为电影人要去思考香港嘅优势系边可以做啲咩，有咩竞争力令我哋喺海外或内地市场能够有竞争力。”
近年田鸡留在内地担任幕后工作，他坦言虽然有很多不能接触的禁忌题材，例如色情、鬼怪或政治等等，但依然能理解为何有这么多人愿意北上拍电影：“内地嘅市场大，纯粹喺香港乜都拍得，但始终都系得700万人，就算700万人去晒睇，都唔及人哋（内地）市场咁大，真系要面对现实。”他表示掣肘虽多，但电影工作者其实都可以有选择：“你想要选择无拘无束嘅拍摄，你咪去外面啰，唔好谂去内地，但你要去内地市场，明知嘅咪要跟人哋规矩走，唔好怨，跟人哋个规矩去行，唔好成日话‘冇自由’，人哋又冇监你点拍，你有权去选择，只不过你嘅选择系有条件！”
同场加映：港产片已死｜合拍题材类近难吸观众 田启文：一样嘅话使乜睇你
点击睇田鸡、杜琪峰、高志森言论：
+17