《爆机自由仁》赖恩雷诺士变“死侍”撑自己　预告评分4个牛油果

由饰演《死侍》（Deadpool） 的赖恩雷诺士（Ryan Reynolds）主演兼监制，全新动作喜剧《爆机自由仁》（Free Guy），原定上年上画，但受到疫情影响，终于延至今年8月12日香港上映。早前赖恩雷诺士就以“死侍”造型现身，拍片睇预告，嚟个自己撑自己。

在Deadpool频道，佢都有睇预告环节，上次就拖埋只斑点狗一齐睇《黑白魔后》预告，仲投诉条片冇狗出现。今次都不减串嘴态度，一嚟就话《爆机自由仁》条预告睇咗成年，自嘲套戏一直上唔到画。然后又笑Taika Waititi预告一幕，脚短短放上台，十足四只手咁。至于睇完嘅评分，讲明撑自己，当然高分，今次就获得4只牛油果，有冇令人有所期待。