《12日》林爱华望为港产片出力 “死到冇得再死拍咩都冇所谓”
撰文： 沈洛嘉
出版：更新：
由伍健雄监制、林爱华执导，邓丽欣（Stephy）、马志威主演的《12日》跟20年前的作品《12夜》，虽是延续篇，但分别在于今次将会聚焦在一对夫妇身上，讲述婚姻之间的故事。
林爱华导演接受《香港01》访问时，讲到整件事的发现源于上年跟《香港01》做的一个访问：“觉得隔咗咁多年可以再拍其实系姻缘嚟，突然有个访问、突然监制又话投资，你都知道而家香港要开戏系几咁困难，其实我都冇所谓，你钟意我个剧本又唔会郁佢，我就‘好呀，拍啦。’咁样，都好顺利。”
及后林爱华导演表示：“其实《12日》同《12夜》一样，一个讲拍拖有12种唔同嘅心态，咁而家婚姻都系，就系有12种男同女对婚姻的期待，有唔同嘅黑色幽默，两个都系个好Sad嘅故事，都算系个好heavy嘅戏。”
+2
早前，传闻陈奕迅（Eason）有机会客串《12日》，导演笑着回应：“呢个剧本冇乜客串嘅位，同埋我惊佢太抢镜，佢一出现我个场戏会冇咗啊！”而当问到对于现时香港电影业会否都想尽量出一分力时，她坦言一定会。“而家真系百花齐放，因为大家都死到冇得再死，到你真系死㗎喇，咁冇咩所谓啦，拍咩都得㗎啦，而家比以前开放咗，只要有经费、老板OK就拍得。”
另外监制伍健雄都有回应制作《12日》的原因，“因为当时嘉禾重映《12夜》，知道原来《12日》嘅剧本已经摆咗喺床下底8年，我觉得OK㖞，所以就揾咗佢去倾，撮合呢件事。”另外在戏中饰演马志威老表的陈湛文讲到：“我自己当年都有睇过《12夜》，直到现时为止仍然好深刻，因为佢好讲到时下都市男女嘅关系，𠮶种爱恨缠绵，好有时代感，尤其是喺香港节奏咁快，所以系爱情方面亦都嚟得快去得快，自己都好期待《12日》。”