秘密访客．专访｜郭富城自言是“顺得人”爸爸　：绝不摆出严父样

由郭富城、段奕宏、许玮宁、张子枫、荣梓杉主演，在韩国取景的内地悬疑片《秘密访客》将于6日香港上映，郭富城日前接受《香港01》访问，提及自己做爸爸以及戏中爸爸的分别，亦有分享拍戏过程中的趣闻。

城城在《秘密访客》中是位富有人家，屋企做生意、在外国读书且喜欢摄影，本想发展摄影兴趣，但就因为被家人逼使回流接手家族生意，戏中他演的汪父在家中是话事人，任何事都要在他的控制之下进行，在他极强控制欲下，一家人似乎过得不太和谐。

城城自言是“顺得人”父亲

当问及城城自己在家中又是位怎样的父亲时，他回应：“返到屋企就系个好踏实嘅父亲，唔会将自己系个艺人、演员、歌手摆喺入面，点样去建议幸福家庭，就系你要对所有嘢都包容、互相去体谅，同埋我系一个‘顺得人’，呢个好重要，我唔会摆出一个严父嘅角色，应该要去爱锡小朋友，佢哋做错个阵要悉心教导，咩系啱咩系错，而唔系话摆出姿态、大声喝骂、好嬲咁就得，要有耐性，而呢样都系我学习做父亲嘅阶段。”

另外，都有讲到屋企小朋友曾产生“爸爸系咪偏心”的问题，不过他指出自己会在过程中观察，告诉她是错觉，虽然是难但都要尽量做到两边平衡。

同期拍摄《麦路人》、《秘密访客》

及后城城表示：“呢个电影角色系我未演过，正正当时同期拍紧《麦路人》，唯一可以畀自己分开两个角色，有个喘息嘅空间就系一个系全香港取景，一个就系喺韩国嘅大屋中实景拍摄，都有考验到自己嘅情绪控制，每个角色都会有难度，系一个挑战嚟，但我钟意挑战唔同角色。喺《麦路人》要挨饿，不修边幅，球产同流浪街头嘅人，而去到汪父佢系个好执著，外型、服装、发型都好讲究，一着起套西装，讲两句对白已经好形容投入其中。”

十分欣赏同戏的演员

由于今次的男女主角不如其他爱情片一样甜蜜，反而有种抗衡性、害怕在其中，问及城城会否因此而更觉得许玮宁是位好对手时，他大赞：“玮宁系一个好认真、努力、好容易进入角色情绪嘅一个演员，而另外两个小朋友都系非常好演技嘅小演员，一个获金马奖提名最佳女配角（张子枫），相信另一位（荣梓杉）都好快会有提名，佢哋真系好聪明又有质素，真实又不做作。”

城城指抽离角色好简单　最近发展新嗜好

城城直言抽离角色好简单，以前会玩赛车释放情绪，一来因为疫情关系，二来自己发展了新嗜好:“好多年前开始自己会收藏、去买自己喜欢嘅画，我喜欢艺术，突然之间睇到幅画会有好多幻想空间，有时遇到自己喜欢都会收藏，唔一定系天价，可能系个新人，但觉得佢有嘢，又俾到感觉你。疫情关系少咗出街，又可以上网睇好多大师嘅作品，到自己真系好有兴趣，时间又许可就揾老师，由书法开始学起，又演唱会应该会系8月后先开如，所以呢段时间发展个较为静态嘅兴趣。”