《真·三国无双》服装设计BoBo姐　“两次同古天乐合作佢都受伤”

由导演周显扬执导及监制、杜致朗编剧及监制，改编自日本同名经典游戏的电影版《真·三国无双》将于4月29日上映，现时在尖沙咀iSQUARE举行“《真·三国无双 》展”，今次服装设计更是由屡获香港电影金像奖及台湾电影金马奖提名的著名设计师吴宝玲（BoBo姐）操刀。

BoBo姐接受《香港01》访问时提及：“事前筹备长达7、8个月时间，试过得两日就要起到个造型，跟手就又要拍，都真系好攰架。其实在场展示出的戏服的确100分之1都冇，因为戏中跨越的年份长达10年，所以每个阶段都要设计不同的戏服，加上有些角色较为后期才定下来，变相度身订造后仍有很多地方需要改动。就如张建声由160磅增磅到220磅，基本上成件衫唔用得，要重新再做过。（边个套衫最多同花心思？）紧系吕布（古天乐　饰）同林雪，阿雪自己又肥啦，就算系拍文戏，佢已经系宰相，要做到佢有王帝嘅感觉，要胁天子以令诸侯，都要做到汉朝嘅感觉。”

不满有电视剧搞乱服饰朝代

讲到服饰上，明显地睇得出Bobo姐好有她的坚持，她在制作前都有做好多功课，她：“最近睇到一套大陆剧，朝庭上咩衫、咩朝代都有，有啲着到似范冰冰露嘅又有、高领、反领又有，系乱晒笼。（会唔会睇到好唔顺眼？）会，我攞呢啲做教材添啊，教书个阵就专攞呢啲错晒嘅俾学生睇。”

Bobo姐跟古天乐两次合作都负伤

提及古生在新西兰拍戏时眼球受伤，Bobo姐当时都在场，她：“眼球充咗血几日，真系抵佢红！虽然眼红咗系冇咁靓仔，其实后尾慢慢先冇咁充血，散返开，其实都怕佢有发炎，𠮶时佢觉得眼球有嘢，但我哋帮佢睇就睇唔到，可能喺里面又睇唔清楚。大吉利是我上次同佢拍《倩女幽魂》佢就整亲只脚，返嚟换咗半月板，又系推住轮椅拍埋个3日，今次就到眼，不过古装系会较为危险。”

最满意袁绍造型

Bobo姐自言在众多角色之中，最满意吕良伟所饰演的袁绍造型，她：“特登造了一套须、前面的头发，佢一试上去已经好钟意套须。其实佢本身唔想黐须，一落机就嚟揾我问，我劝佢话‘你试下先啦’，我仲预备咗三副，长、中、短，点知一放上去佢自己好似上咗身咁，如出一彻。”

古力娜扎投诉Bobo姐偏心

此外，Bobo姐笑言拍摄横跨四季，大家曾对她投诉在雪山时太冻唔够暖、热时又唔够透气，笑指自己能整到冬暖夏凉的戏服就发达了。另外，Bobo姐讲到自己跟古力娜扎其实很熟，曾多次合作过，她自己来到新西兰举目无亲，所以都会多加照顾她，但古力娜扎却跟Bobo姐投诉佢偏心，因为自己的戏服较为单薄、又要在雪山赤脚行、半身浸冰水大半个钟，最终拍完翌日就生病了，不过Bobo姐表示角色同剧情需要都冇办法。