张宝儿新孕亮相袁伟豪贴身呵护　BB健康活跃：每次产检挥手打招呼

TVB混血男演员古天祥今日（12日）举行首次个人雕刻展览，邀请为雕刻作品设计制成裱装外框的电影视觉特效大师黄宏达、圈中好友马德钟、袁伟豪张宝儿夫妇等演员到场。早前袁伟豪宣布与太太怀孕第二胎的喜讯，今日于活动上全程贴心呵护爱妻，并于受访时分享张宝儿新孕近况。

袁伟豪今日于活动上接受传媒访问时，提到在宣布添丁后首次出席公开活动：“（带太太与胎儿）感受下啲文化艺术气息先！最主要嚟撑Carlos，我哋系电单车友、学电单车嘅时候已经识佢！佢系好地道嘅香港仔，第一次同佢打招呼都吓咗一吓‘原来你唔识讲英文？’于是做咗十几年朋友！”对于古天祥的雕刻工艺，袁伟豪直言非常感兴趣、值得收藏：“手表会啱啲，每一件都独一无二！但系现时我能够畀佢雕刻嘅手表唔多，可能都系皮带、钢带先可以畀佢刻。”

谈到太太张宝儿新孕近况，袁伟豪欣喜地分享指：“其实今次呢一胎比起陀第一胎‘袁咕碌’嘅时候，作闷作呕嘅情况比较多！不过依家四个几月、踏入咗第二个孕期，开始稳定落嚟。”袁伟豪亦提及太太新孕在家庭计划之内：“呢一胎系计划之中嘅，好感谢上天畀我哋完成呢个愿望！”至于太太会否封肚，他则笑言：“生咗呢个再算啦，到时再睇缘份！”袁伟豪专注照顾宝儿身体状况，笑言太太怀孕期间身体反应、口味与喜好每日都不同：“有时喺佢面前‘我今日睇你好似有啲唔顺眼！’咁我就氹返佢，执好啲嘢、换过件衫！”

袁伟豪亦透露第二胎BB健康状况良好，而且相当活跃外向：“呢一胎个BB好活跃！我哋每次去产检佢都递起只手、同我哋打招呼！上次袁咕碌每次都揞住半边面！”至于BB性别，袁伟豪目前则保持神秘：“我哋未公布㗎，欢迎参加竞猜游戏！”袁伟豪长子“袁咕碌”即将成为哥哥，表示正逐步让他知道家庭将迎接新生命：“有话畀佢听会做哥哥，等佢知道呢个槪念先。细佬定细妹都唔紧要，等佢知道要做哥哥，教佢学识点样去分享，等佢唔好人哋摸佢啲玩具就发脾气、好大反应！”

家庭即将再添新成员，袁伟豪表示计划为小朋友需要而换走爱驱：“我以前成日都话唔会揸七人车、唔会揸电车，但终于都要同啲兄弟一样，到我入局喇！方便佢哋返学、出街要带好多嘢！”