不赦之罪︱苏玉华黄秋生加戏后仍精简　演技爆发：静默无语更重要

香港宗教议题剧情电影《不赦之罪》，今日（3日）举行首映礼，新晋导演林善、谭善扬携同影帝黄秋生、剧后苏玉华、George欧镇灏、陈书昕及陈紫萱等一众主演一同出席。《不赦之罪》为香港电影工作者总会“总会拍电影”计划第一部面世上映作品，苏玉华表示与秋生戏份难忘，更一直希望与欧镇灏加一场同场戏份，最终与导演不断商量后成功加戏！

苏玉华、欧镇灏与陈书昕在《不赦之罪》首映礼后接受传媒访问，阿苏在剧情中与黄秋生饰演夫妻、与陈书昕则饰演母女，谈到与欧镇灏的合作时，苏玉华表示：“对我嚟讲𠮶场戏系好重要嘅，令个角色更完整、表达嘅意思更加突出、思考空间更大！”对于两位新演员的表现，阿苏亦大赞George：“唔好意思，开头我完全唔认识阿George，但当我行入教堂、见到佢在场，佢即时带我进入场景、进入咗𠮶场戏！我成日觉得试镜拣啱演员，其实已经赢咗一半，揾佢好贴切角色！”

至于饰演女儿的Sheena（陈书昕），苏玉华表示戏份虽然有限，但女儿的出现令角色家庭更完整：“佢作为一个年轻演员，可能佢拍电影嘅经验仲多过我！佢好准确拿捏到唔同场口要演乜嘢，同佢戏剧训练、洞察人嘅能力有关。”Sheena在戏中与秋生饰演父女，坦言本身觉得压力甚大：“初头谂觉得非常大压力，始终系个咁德高望重嘅前辈，希望尽力表现得最好、唔好令佢失望！”但拍摄过程中，陈书昕却发觉秋生相当容易亲近，不停讲笑：“秋生哥喺过程入面畀咗好多信心我，对住我唔会太严格，仲好钟意讲笑，讲下烂gag舒缓下气氛。其实佢系慈父多过严父。”

欧镇灏近日为了配合《不赦之罪》的宣传，在社交媒体上以角色阿乐作为分身，积极与网民互动，George笑言过程兴奋：“可以唔驶顾公司嘅形象，咩都讲得呀嘛！（长期忏悔模式？）忏悔完㗎喇！跟住落去阿乐会开心啲！”

黄秋生与苏玉华在《不赦之罪》里饰演夫妻，对手戏份却相当精细简短、反璞归真，阿苏笑言戏份已经比预计多：“角色嘅重要性、演员做得好唔好，唔取决于有几多场戏！做得好嘅一场戏已经够杀！”观众在预告片率先目睹秋生与阿苏爆发式的对手戏，阿苏表示爆发式表演并无难度：“其实爆发对我嚟讲系最易㗎！当然，有内容嘅爆发、同冇内容嘅爆发系两回事啦！师母爆发嘅地方得一两下，更重要嘅系佢唔讲嘢、静默、无语嘅时候，其实佢讲紧好多嘢！𠮶啲系我认为最正嘅moment，或者最享受去演嘅嘢！”