港产片冰河期｜胡子彤认影响收入：而家系靠积蓄顶住呢个‘寒冬’

胡子彤今日（9/5）现身旺角出席品牌活动。提到香港电影业步入寒冬，大批电影业台前幕后人员失业，有人被迫转行。加上全球经济的影响，连美国的电影业亦不能幸免受到冲击，特朗普有意向境外制作电影征100%关税，提振产业。

胡子彤就事件接受《香港01》访问时表示：“其实老实讲，电影同剧集拍摄嘅工作我系少咗，我谂唔系剩系自己，而系全个香港嘅业界嘅朋友。我觉得而家嘅情况系改变紧，变紧一个重生嘅方法，揾紧一个方法适合而家嘅时代嘅方法，因为而家变得很快 ，大家耐性冇以前咁好，大家讲求要快快快。反而我系用另一个角度去睇，点样去适应呢件事，然后揾出自己条血路，同埋我听好多前辈讲，香港系可以拍出迟于自己嘅电影。”

被问到工作量锐减有否影响生计？胡子彤表示：“其实而家系多咗时间去做音乐，公司亦都好支持我去做，同埋佢哋都赞成我喺歌手方面发展，咁所以呢段时间系有多啲时间去增值自己同做音乐。至于使费方面我而家都系靠积蓄顶住呢个‘寒冬’，因为以前好细个嘅时候，已经有储钱嘅习惯，加上自己又唔会乱使钱嘅人嚟，咁所以都储到啲钱嘅。”

近日两位电影人翁子光与陈德森，就“商业电影”与“作者电影”进行讨论。在议题上二人存在意见分歧，并就此展开激烈笔战。陈德森认为在现实中已充斥经济衰退、天灾人祸的事情，认为观众需要正能量的讯息，更指年轻创作人不应倾向较黑暗面、悲剧的题材”更向对方放话：“做有担当负责任电影人”。而翁子光就反驳只拍正能量题材电影，指写实的电影题，才能产生惊世作用。

胡子彤表示：“我觉得香港之所以系香港，系因为可以接纳好多唔同嘅声音，同埋可以用唔同嘅角度去讲唔同嘅嘢，变咗电影其实都系一样。而音乐都系一样。除咗社会议题，可能系动作片，喜剧片同黑色幽默，同亲情片，所有嘅主题乜都要，咁样先叫做完善，可以满足唔同观众嘅需要。而某啲题材系会主流啲，但唔代表其他嘅题材，就唔重要，亦都系需要。反而我觉得而家系激发新导演们嘅想法，佢哋更力需要喺呢个环境创作更多自己未来嘅嘢。唔再系以前咁10套8套都系动作片，反而而家系多咗好多嘅可能性。”