狂舞派3专访｜黄修平直言发展形同空壳：睇个喷水池价值就知

荣获金马奖6项提名，隔足8年终于推出续集的港产片《狂舞派3》由黄修平编剧及1执导，颜卓灵（Cherry）、蔡瀚亿（BabyJohn）、杨乐文（Lokman）、刘敬雯（奶茶）和霍嘉豪（Heyo）等人主演，首日上映票房已破30万港元，成绩不错之余，更再次挑起影迷对跳舞、社会问题的关心！
摄影：叶志明

较早前导演黄修平接受《香港01》访问，分享拍摄《狂舞派3》的经历，黄修平首先讲到：“自己系成长咗，加上社会嘅变化，基本上冇咩心情再去拍返好似第一集嘅模样、热血。”不过黄修平讲到自己从未谂过不拍续集，可能大家都认为续集要很相近，更甚有些电影都不是隔年就会推出续集，他：“我都承认自己系有啲慢嘅，但就冇谂过唔搞，一定系搞，主要都系因为自己工作、唔系咁快手，不过套戏同埋个信念系一定要拍。”

今集点解会拣地产霸权为题？

黄修平：“其实最初唔系讲地产霸权，而系讲呢班追梦者点样透过拍完《狂舞派》1同2后，返回现实世界，但现实世界冇因为你拍咗套励志片而改变啲咩，但你又点去面对世界的残酷呢？”他续指近年做创作人正面对最大的问题—义利之争，然后就想到在龙城区的这班KIDA。他讲到：“事实上自己喺工作上都有十几年喺呢啲区域（观塘）入面，自己做以及接触同创作有关嘅人，好香港式、寄居、居无定所、随时会俾人赶，但大家喺呢个环境底下都有好顽强嘅生命力。呢班人正面对被赶走问题，而被赶的背后正是正常社会发展必须面对的问题，当中包含不公义，但就算唔系工业区都同样面对紧相似的问题。”他更提出社会的发展是必然，但如何去处理每一个议题呢？应该要有远视的目光、重视人民质素为本。

黄修平自言都好想拍套开心娱乐片，他：“戏同社会系息息相关，如果喺一个太平盛世底下，好清心、简单拍一套纯娱乐的歌舞片系我好想做嘅事，似‘Bollywood’好夸张，咩事都可以载歌载舞嘅欢乐系好过瘾，当然都要社会有呢个环境以及心情去拍摄，唔知有冇呢一日。”

电影对照现实　现实拍成电影

虽然戏中所讲的龙城区没有指定为观塘，但大家都知正是该区所发生的问题，当观塘塞车成为指定日常，“哪里只塞骏业里”歌都有得唱，政府推倒单轨铁路计划，问到导演有冇觉得东九龙线发展跟《狂舞派3》入面所讲，就只得个壳时，黄修平：“我发觉现实的确系咁样，你睇个喷水池就知，点样都要起个喷水池出嚟，你比较好多唔同地方，社会嘅设施系用来服务大众，屯嘅的共融游乐场所花嘅钱同你起个喷水池，比较两者价值，花嘅钱系完全唔值得。”

难挨的2020年有感到灰心？会否移民？

黄修平：“如果我答冇你都唔会信，呢个系设身处地会谂嘅问题，但我心态当然是留到最后一刻，因为做创作正是同社会生活有关，你去到外地又可以做啲咩呢？你喺呢个地方已经熟到去边到拍戏、去边间茶餐厅、间茶餐厅边张台个角崩咗，就系要个种质感、边间舖会有猫，熟门熟路到咁样。事实上对于呢个地方，可以渗入自己生活嘅地方，可以发挥到有价值的事。但同时喺我工作生涯呢10年间中，睇住呢个地方被粗暴地推倒真系好不忿，呢样嘢系人为，只能够说好不忿，希望尽量可以留喺到，首先要接受呢个地方唔好先，唔可以呃自己话冇事，要接受身边系废墟、崩坏，但系仍然有好多事可以做。”