阿索的故事｜王菀之演巴士司机要考牌 “紧急扭軚系最危险动作”
撰文： 许育民
出版：更新：
王菀之（Ivana）和林盛斌（Bob），在叶念琛执导的《阿索的故事》中，均是饰演巴士车长，导演为求拍摄认真，所以要求两人考取巴士牌，经过连日来上堂苦练后，终于成功考到牌！其中Ivana更学识揸巴士最危险动作原来是扭軚！
叶念琛表示，在电影中Ivana的巴士车长角色设计十分有趣，今次除了得到相关机构支持外，亦邀请到一些现役巴士车长做顾问，他觉得今次对Ivana自己是一个新挑战，角色对她很有突破，至于阿Bob，本身外型跟车长就是入形入格，如果他考到车牌，就更有说服力！结果两位演员都应邀考试。
Ivana和阿Bob学车当日均充满自信，Ivana更以去旅行的心情形容坐上车长座位的感觉︰“我要当自己揸咗好耐巴士咁，心理上会冇咁惊，好似去旅行人生路不熟，不过要当自己系当地人咁，咁就唔怕引到啲贼埋身。”至于阿Bob就信心十足：“我日日揸车，相信对自己唔系太大困难，咁我天资聪敏系冇问题。”
学车后Ivana一面愁容：“我刚才肥咗六次喺黄线度，又有一个危险过程，事关突然有一个学神喺我架车嚟紧时，佢去开门落车！于是我就扭軚...哈！师傅话呢个系全世界最危险动作，因为咁大架巴士系不能扭軚，只能煞车，同埋我要改下啲习惯，因为我会交义手扭軚，原来巴士系唔可以咁揸！”虽然考试前都担心肥佬，但结果不负众望 ，成功过关，Ivana紧张的说：“哗！我竟然合格呀！真系直程系要喊，真系好大压力呀，惊过上红馆，要冷静下先，我已经正式系一个巴士女车长！”阿Bob也是异常兴𡚒，他四围去多谢导师。“等结果时我又祈祷又求神又拜佛咁，好似我喺产房睇住我老婆生BB咁开心。”