本土电影免费播　张建声王宗尧呼吁留家抗疫今晚睇《一路向西》

新冠肺炎爆发第三波，政府7月15日实施防疫措施，全港所有食肆下午 6 时后不能堂食、只能外卖，12 类娱乐场所亦要关闭，暂时为期 7 日。香港近乎宵禁，连续一周入黑冇娱乐、不能外出食饭又实施限聚令，张建声直言这个礼拜对佢好大打击：“呢几晚宵禁对我影响都大，因为工作要押后同改期，gym room又封晒，对于落紧磅嘅我系严重打击，因为我极度需要带氧运动，跑步、打泰拳全部唔做得，唯有喺屋企食少啲嘢、做少量运动，始终喺屋企做同喺出面做争好远，同埋冇得出街啦，但为己为人，唔好出街、带口罩、唔好去人多地方，希望疫情快啲过。”

王宗尧则指，大家一定要做好防疫，因为可能在七日之后仍未脱离疫情“危险期”，“嚟紧大家要有心理准备唔会净系呢七日，我觉得上次以政府做嘢嘅速度同应变得咁慢，将防疫摆到咁低嘅话，佢哋嘅应变措施一定唔会系咁即时，亦都唔会果断，所以大家有定心理准备接下嚟𠮶个月会好危险，香港人继续做好自己嘅嘢，自己做好防疫措施，要洗手要带口罩，返屋企同食嘢前要做好清洁，有唔舒服记得要睇医生。”

为解决大家晚上的娱乐问题，网上影视点播平台 hmvod 就特别推出一连七日电影免费睇，网民只要上 facebook 就可于每晚 9 时半至凌晨 5 点欣赏电影。点击下图睇每日有咩戏码，今晚就有《一路向西》：