【老师．丧尸．小BB】细路仔都要打丧尸　爆笑暴力指数无底线

要数丧尸主题电影，年终都有唔少，要突围而出真系唔易。在今年《辛丹斯电影节：香港》首播的《老师．丧尸．小BB》，就将故事主角“年轻化”，去到幼稚园学生！不过唔好以为几岁人仔就一定要你照顾，过程中竟然有提供唔少残暴手段俾老师执行，情节真系Cult到无沦。

故事讲男主角Dave失恋，为疗伤竟选择陪外甥参加幼稚园学校旅行，不过错有错著，就俾佢遇上美女教师Caroline。结果伤口未治即愈，并使出浑身解数冧女，谁知成个旅程出现咗电灯胆，就系一大群丧尸。原来郊游点附近有个军事基地实验失败，杀出一班丧尸空群而出袭地球。一班大人，手无寸铁，但要保护一班幼稚园学生安全离开之余，仲要唔俾佢知有恐怖事发生，惊吓亲细路仔，但估唔到最后班细蚊仔竟然帮到手打丧尸。

唔好以为打丧尸系成年人专利，就连呢班小朋友都有一技傍身。事源戏中有一幕，Miss冲出去打丧尸前，问咗班细路如果遇到丧尸会点做，结果其中一个竟然抢答，而且手法仲相当凶狠！事关佢原来有打过丧尸Game，有不俗的经验值。电影又惊又喜，不乏爆笑情节，绝对满足到一众丧尸粉，不过对于有份拍嘅小朋友，暂时就冇机会睇到套戏喇！

今年《辛丹斯电影节：香港》于19/9 - 1/10举行，详情可上网址查询︰https://hk.sundance.org/2019/en