【作家的谎言】不止被女友暴打 张建声啪排水丸日减15磅劲辛苦
撰文： 陈栢宇
出版：更新：
张建声（Justin）在首次出任联合监制的新戏《作家的谎言：笔忠诱罪》中绝对称得上是瞓身演出，除了增肥 20 磅扮作家“徐哲”，拍落水戏又撞崩牙外，其实他尚有几幕戏揾身体嚟较飞，其中一场讲述他被警方拉去问话，为了在外形上更颓废，他就连食四日排水丸，令体重在一日之内轻了15磅。
样残兼减磅还未够，饰演女警的Justin女友陈嘉莉（Kelly）更在戏中用书本打男友的头，又推他心口，搞到坐在櫈上的 Justin 失重心跌低。Kelly事后觉得非常肉赤：“𠮶日我都有提前到现场同导演度点做，我记得 Justin 𠮶时系食紧排水丸比较虚弱，排位时同佢沟通，佢都好好，叫我用力去尽，畀我好做啲，因为佢食咗排水丸之后有一下系个头撞落地，都觉得唔好意思，即刻扶佢，都关心佢嘅。”
为求逼真 张建声要Kelly不要手下留情
Justin表示确有提Kelly不用手下留情：“我哋有沟通过㗎，叫佢畀真力，因为地下系铺地毡，自己受伤程度会减低啲同逼真啲，画面上都好啲，𠮶日大概拍咗五个 Take 度啦，初头两下落地都震一震个头，但OK嘅。不过，好得意，几个优先场大家睇到呢幕会笑，问返观众原来系笑戏入面有啲傻，啲Friend就笑我哋系戏假真做，真系攞嚟发泄下。”
点击下图观看张建声食去水丸前后分别：