【起底组】游学修新方式演宅男　刻意用黐脷筋讲对白：减啲杀气！

游学修出席电影《起底组》首映礼。阿修这次饰演一名宅男，更特别用“黐脷筋”的方法演绎部分台词：“可能因为我本身粗眉大眼，个样有啲杀气，所以讲野黐脷筋好似会符合个角色多啲，减轻啲杀气。不过我又唔想大家对宅男有既定印象，觉得宅男就等于黐脷筋。”

有网民看完优先场表示阿修犹如本色出演，但阿修笑言自己并非典型宅男：“呢个角色好玩嘅地方就在于佢系一个好无自知之明嘅宅男，佢仲觉得人地先系宅男而自己唔系，我都有同导演倾过觉得咁样演系最好，多谢大家钟意呢个角色。”阿修又赞拍档邓月平演得好：“佢个角色系一个外冷内热嘅女仔，初头唔钟意我同阿声（林耀声），但后尾知道我地系好人黎仲会帮返我哋。”

“起底”在日常生活中都常见，阿修就觉得女生才是真正的起底高手：“女仔为咗前男友，暗恋对象或者现任男友，系可以无所不用其极。我自己都试过Stalk（跟踪）钟意嘅女仔，睇下佢有拖拍未。”难怪电影会引起大家共鸣，相信人人都有试过跟踪人吧！阿修又补充未入行前会怕被人起底，“我试过谂如果有一日我上咗高登，就太恐怖啦。不过而家作为公众人物，我嘅好多野大家已经知，冇咩可以起，除非你有本事揾返我十几年前啲丑照啦，咁就有啲尴。”