【复仇者联盟】IronMan盔甲被盗　网友：咁大件搬走居然无人知？

MARVEL《复仇者联盟3：无限之战》横扫全球电影票房，戏中每位超级英雄都有其标志性造型，无论系美国队长嘅盾牌、雷神锤，影迷都争相希望拥有，玩具店有大把选择，俾钱买就有啦。不过有人就挺而走险，曾经喺2008年上映嘅《Iron Man》第一集中亮相嘅盔甲惊传被偷，洛杉矶警方正全力追查呢单失窃事件。

【复仇者联盟3】元祖级成员齐齐纹身留念　独欠变形侠医唔肯跟机【铁甲奇侠10周年】由被嫌弃到票房保证　重温10个Iron Man冷知识

去年情人节金钟港铁站曾经出现一位，著住IRON MAN盔甲、拎住扎花嘅男士，每年万圣节亦有好多人会扮成超级英雄出去玩。2008年《Iron Man》中嘅盔甲惊传被偷走，洛杉矶警方指盔甲一直放喺电影道具储存仓库，2月份桃查过后，至4月25日再检查时发现盔甲失窃。呢件盔甲价值32万５千美金折合港币超过250万。

由于呢个电影道具储存地点相当隐秘，暂时未知小偷点知到盔甲存放喺里面，而且可以神不知鬼不觉将咁大件盔甲偷走，网友都觉得啧啧称奇，笑言“复仇者联盟应该揾佢帮手对付Thanos”、“要请佢帮忙找回无限宝石”。洛杉矶警方已经将呢单失窃案列为首要调查案件。