【金像奖2018】毛舜筠首获影后 渴望与“儿子”凌文龙合作喜剧
撰文： 赖家杰
出版：更新：
金奖像昨日就已经新鲜出炉影帝影后花落谁家，男主角由古天乐夺得，女主角就由毛舜筠夺得，二人同样都系首夺呢个奖项，至于在庆功宴当中MO姐都有出席到现场，佢表示到而家心情仲未能够平伏：“其实真系冇预过自己能够得奖，而家唔识形容呢种心情，患得患失嘅感觉，之后真系得咗，太兴奋啦。”
对于MO姐能够夺得影后，相信大家都唔会意外，但对于佢本人嚟讲就十分意外，因为MO姐原本已经买定机票去日本同好友散心：“而家会同系好友去庆功旅行后，再返嚟煮七日七夜大餐比有份帮助我，有份投我一票嘅朋友比佢地食餐好，因为大家都知道我系一个蓝带厨师，菜式方面系法国菜，因为我读蓝带嘅时候系学法国菜。”
讲到自己喺戏入面饰演佢仔仔嘅凌文龙，于金奖像夺得最佳新演员奖项，MO姐在台下见到都非常开心，更表示未试过见到人地拎奖自己都想喊。对于会唔会想拍续集，MO姐讲到：“已经同导演讲咗，但今次想同佢合作演喜剧，因为有留意文龙佢演舞台剧方面好有POWER，所以觉得佢好适合演喜剧。”