【专访】做足37年配角近年几乎冇戏拍　龙天生：等紧导演俾机会我

某程度上，电影圈是个很残酷的世界，大制作电影必先要有知名度高的男女主角，而要成为主角，演员又必先有一副足够讨好观众的模样；曾经在《呖咕呖咕新年财》及《钟无艳》等喜剧电影中饰演大配角的龙天生，自认长相其貌不扬的他一直饰演“骑呢”配角，入行37年都无缘当一次真正的主角。
摄影：梁碧玲

龙天生成长于柴湾木屋区，出身贫困家庭，7岁时父亲离世，由担任泥工的母亲抚养成人，后来与母亲姊姊搬到北角春秧街的板间房居住，“𠮶阵我派咗去一间男校读书，所以我好怕丑，当时学校要我哋每人都有个兴趣，学校就派咗话剧俾我，仲识咗当时师弟高志森，一齐搞话剧，咁我先发现原来自己钟意演戏。”他笑指演戏的滋味会令人上瘾，站在台上可令他忘却所有害羞的感觉，“后来我会考之后，就考到无线电视艺员训练班，变咗朝早返学，夜晚返训练班，后来直头学都唔返，净系返训练班。”龙天生笑言，当时入去受训满怀热诚，自觉可以成为男主角，“当时训练班教学好全面，演技、配音等都有教，当年有4,000人报考，考到嘅人得三十几个，同期有好多人，有陈玉莲、吕良伟、楼南光仲有阿灿廖伟雄，个个都系一个月俾30蚊学费TVB。”

在艺员训练班毕业后，龙天生成功毕业之余，更获无线签约聘用，1978年时参演了第一部电视剧《倚天层龙记》，“TVB唔系个个都肯签，当年TVB本身连吕良伟都唔签啊！”他笑说。由1978年起，龙天生先后参演过25部电视剧集，其中一部就是，令他的同期训练班同学“阿灿”廖伟雄爆红的《网中人》，“当年我饰演角色叫大圈光，阿灿就系演程灿，其实当时系我同阿灿之争，咁最后选中佢啦。”入行至今已经接近40年，龙天生在初入行时已涉足电影，但从未当过主角，现时已转型为配音员的他，笑言现在已走过“搏杀”时期，而且也有了自己心目中的代表作，“其中一部系徐克导演嘅《第一类型危险》，佢呢个人好有创造力，而且真系铁人嚟，为咗拍戏可以几日几夜唔瞓觉，可以同佢合作都叫圆到心愿。”

37年从未当过主角，我问龙天生：“有冇觉得遗憾？”他说：“我唔识分一套戏边个系主角，边个系配角，就算成场戏我得‘喂’咁样一句对白，总之我讲果对白𠮶刻，我就系主角！”他续说：“就算得一句对白，我都要承上，仲要接下，即系要接到对上一个人讲嘅对白语气，又要交到戏俾下一个讲对白嘅人，每个演员都有好大责任……其实唔需要去计较几多句对白，你系好戏嘅，好似叶德娴咁，一句对白就拎最佳女配角。”但毕竟龙天生都是一个爱演戏的人，多少也渴望做主角吧？“有得做梗系好，冇亦无妨，如果下下想做主角，好似拍剧咁，今集我戏份多，下集突然又得一句对白，你好在意的话，真系会癫。”跟他聊天期间，龙天生不断形容自己其貌不扬，你以为是贬意？非也。“好在我生得骑呢咋，EQ够高，容易接受自己喺低位，好似张国荣咁，我相信佢心理压力好大，有心理病，我用观众角去睇佢，觉得唔多唔少都因为佢处于高位，尤其身处影视圈，当大家将所有聚光灯放晒喺你身上时，突然冇咗，其实好难接受。”

龙天生坦言，在这数十年的演戏生涯里，他遇过许多“恩人”，而其中一个就是“杜sir”杜琪峰，“佢系艺进同学会会长永远荣誉会长，佢知我做过演员，又做过副导演，于是揾我帮个会手搞舞台剧及慈善show。”在艺进同学会工作3年期间，他跟杜sir算是一场朋友，后来更邀请他参演《呖咕呖咕新年财》及《钟无艳》，“佢知我够骑呢嘛！我够骑呢就有好处，除咗演唔到主角之外，其他角色我全部都可以演，其实杜sir平日个人同佢拍戏𠮶阵系两个人，佢系一个好放手俾演员演戏嘅导演，咩都安排好晒，佢炆都系因为安排好啦，啲人都唔识做，但对演员呢，你唔识演，佢仲会示范俾你睇点演。”

天生忆述：“《钟无艳》有个shot系讲踢足球，场戏讲梅姐演嘅昏君齐宣王，同我哋几个演大臣嘅演员踢足球，拍紧其中一个shot𠮶阵，杜sir就问我哋可唔可以好似英足有个球员咁，一赢波就跪地铲落草皮，佢即场示范俾我哋睇。”龙天生说起“旧时”，表情相当丰富，他对演戏的热情，并非一般人可以理解，但他自从2003年参演过《爱在阳光下》后，相隔12年才再演出《五个小孩的校长》，而且至今亦再无作品，“我唔系唔演，一直都好想演戏，系冇导演揾我，我一直等紧机会。”