港唔断戏版主认失言未睇先踩贺岁片 入场补撑张继聪《祥赌必赢》
撰文: 金秀玲
出版:更新:
昨日(4日)专门分享电影评论的平台“港唔断戏”的版主,在Facebook撰文踩2025年的香港贺岁片,他发文:“今年嘅香港贺岁片,票房差系合理..我自己只系睇咗三套入面嘅0.7套,纯粹谂住应下节,但最后都要睇到我中途离场,真系差同尴尬到睇唔晒….新年流流都要人发火,唔尊重观众,观众最后都系会离弃你。”
不过该言论就引起极大回响,网民指他既不开名自己睇了哪套,就开地图炮踩晒所有贺岁片并不公道。2025年贺岁片之一《祥赌必赢》的主演张继聪都忍不住留言:“今次系我最后一次睇你嘅page👋🏻”张继聪随后再表示事件已发酵,所以决定要回应,他拍片指现今的电影工业正处于不理想的状态,因此演员与影评人的关系是很重要的:“我觉得影评嘅重要性就好似一个导游咁,有啲朋友未接触到部电影嘅本身,或者接触到个电影嘅一啲宣传嘅第一重,我哋系需要一啲影评人去导读,或者睇完一套戏之后去介绍下佢从咩角度切入去欣赏一套电影。”
张继聪亦表示每个人都有自己的自由,不一定要一方面的赞,因为各有品味,而且是一件很主观的事情,并否认小气不接受负评;只是他认为该专页其实可以有更好的做法:“如果大家都系同一行,真系想呢行好啲嘅话呢,其实就可唔可以有另外一个方法去导读,因为每一个影评人你都有fans,你哋都真系有人会睇,一啲先入为主嘅睇法系真系会,人都系主观㗎嘛,即系咁都系会影响。”
最后张继聪表示“我唔睇个page啫”,大家可以继续睇;正如他不看港产片,大家还是可以继续看,各有自由。不过至5日晚上,“港唔断戏”版主就分享一张同日晚上去戏院睇《祥赌必赢》的戏票,他承认失言,并用行动为今次风波补镬:“失言系自己问题,真系地图炮咗其他我未睇嘅电影,但电影好唔好就系另一回事,赞闹都系睇返作品嘅质素,入场!#祥赌必赢”